Gazte txokoetako bloga

Aretxabaleta Eskoriatza eta Arrasateko 50 gazte joan ziren eskiatzera txatxilipurdiko gazteleku eta gaztetxokoetatik!

San Andreseko gaztetxokoan gitarra ikastaroa from Goiena Komunikazio Taldea on Vimeo.

San Andreseko gaztetxokoko gazteek pelikula proiekzioak antolatu dituzte auzoko gazteentzat. Asteartero asteartero pelikula bat botako dute San Andreseko gaztetxokoko zine txoko berrian. Proiekzio hauek doan izango dira eta arratsaldeko 17:45etan hasiko dira. Pelikulak gazteek beraiek aukeratu dituzte eta Urtarrilaren 24an izango da lehen emanaldia. Scary Movie filma izango da proiekzioei hasiera emango die pelikula. Honetaz gain Gaztetxokoko gazteek hurrengo hiru pelikulak ere zehaztu dituzte :

Urtarrilak 31 Seven

Otsailak 7 3 metros sobre el cielo

Otsailak 14 Ghost Rider

2012. urtea hasi dugu eta Arrasateko gaztetxokoetan ekintza bereziak antolatzen dabiltza. Adibide garbia San Andreseko gaztetxokoan aurki dezakegu, bertan ostegunetan arratsaldeko 18:00etatik aurrera gitarra ikastaroak  izango dira. Ikastaro hauetan izena emateko gaztetxokora gerturatu. Plazak mugatuak izango dira.

Gaur gauean Arrasate Aretxabaleta eta Eskoriatzako 50 gazte Euskal Selekzioko partidua ikustera joango dira gaztetxokoe eta gaztelekuetatik antolatutako autobusean. Arrasateko gazteek pankarta erraldoia egin zuten atzo, breaien presentzia San mamesen nabari zedin eta ez zuten txikia egin gainera

!


Bestalde hurrengo hiru egunetan gaztegunean ere ekintza ezberdinak izango dira, Ginkana erraldoia, afaria, kontzerrtua...

Abenduaren 30ean Azkaiter pelox izango da gazteguneko taulagainean arratsaldeko 7etatik aurrera, gerturatu eta parte hartu!!!


http://youtu.be/2Wuckj_kbnQ

Arrasateko gaztetxokoetako eta gazteguneko gazteak Izotz pistara joan dira gaur Aretxabaleta eta Eskoriatzako gazteekin batera.

Bihar berriz bailarako gaztetxokoetako autobuskada bat joango da Euskal Herriko selekzioa animatzera Bilbora. baina herrian gelditu direnak ere aukera mordoa dituzte erdiguneko gaztegunean, gerturatu eta informatu!

Aste honetan gaztegunea irekita egongo da 5etatik 9etara. 12 eta 17 urte bitarteko gazte guztientzako ekintzak izango dira bertan egunero! beste batzuen artean abenduaren 30ean azken festa eta kontzertu bat izango dugu. Azkaiter pelox artista bergararra izango da gaztegunean!

Gerturatu eta informatu!

Ostiralean itxi zituzten gaztetxokoek aurtengoz ateak. 2012. urtean berriro ere izango dituzte gazteek gune hauek irekita beraien proiektutxoak gauzatzeko, lasai egoteko , hitz egiteko, ondo pasatzeko, jendea ezagutzeko, aserretzeko,... eta beste mila kontutarako!!

Erguineko gaztetxokoak bizkotxo ederra bat eginez esan zion agur 2011ri, musakolan aldiz kontzertua ere izan zuten, RPL taldeak eskaini zuena. Gainera jende ezberdinak hartu zuen mikroa eta baita instrumentuak ere eta giro polita sortu zen gaztetxokoan. Gazte eta rockero!

Musakolako gaztetxokoan bestalde, txotxongiloak egiten ibili dira azken asteetan, baita RPL taldearen murala gauzatzen ere, ikusi eta ea zerbait gogorarazten dizuen!

Urtero moduan Gaztetxokoetatik eskaintza berezia antolatu dugu Gabonei begira.  Gauzak horrela, aste bukaera honetan gazteei Gabonetan egiten diren opariak erosi beharrean sortzeko aukera eskainiko diegu, oparigintza ekimena antolatu baitugu Gaztegunean.

Bestalde, gogorarazten dizuegu abenduaren 26tik 30eta erdiguneko Gaztegunea irekita egongo dela, arratsaldeko 17:00ak eta 21:00ak bitartean.  Tarte horretarako ekintza, lehiaketa eta bestelakoak prestatu ditugu, tartean herriko kaleetan barrena burutuko den Altxorraren bila erraldoia edota urteari amaiera emateko azken festa eta kontzertua.

Honetaz gain, egun hauetan bi irteera proposamen ere baditugu. Abenduaren 27an Gasteiz aldera joateko asmoa daukagu, bertako izotz pistan ibili eta egun pasa egiteko.


 Bestalde, abenduaren 28an Euskal Herriko Selekzioak San Mamesen jokatuko duen futbol partidua ikusteko irteera ere antolatzen gabiltza.  Irteera hauetan izen emateko azken eguna igandea izango da.

Auzoetako gaztetxokoetako azken astea heldu da, ostiralean agur esango diote 2011. urteari. Atzean gelditu dira aurten ere gazteekin batera igarotako momentu gozo baita garratzak ere! Gaztetxoko bakoitzeko sofek elkarrizketa asko entzun dituzte, jolasa eta irrien artean baita negar batzuek ere. Aste honetan amaiera polita emango diogu urteari, gerturatu eta parte hertu!

Erguineko gaztetxokoa txiki gelditzen da ostiraletan, eguneroko lasaitasunean kaosa nagusitzen da eta gaztetxo asko hurbiltzen dira. Pasa zen ostiralean ginkana egin zuten eta argazki xelebreak jaso zituzten.