Goiena.net Blog Komunitatea

Eskatu zure bloga   Sar zaitez blogera

2011/07/29 09:47:45.514 GMT+2

Zortzi urte transplantea egin zidatenetik

Gaurko egunez, orain zortzi urte, hezur-muinaren transplantea egin zidaten Valdecillako Ospitalean, Santanderren. Ia urtebete lehenago linfoma bat aurkitu zidaten, minbizi mota bat odolean zabaltzen dena, eta kimioterapia ziklo oso bat egin ondoren, medikuek erabaki zuten hezur-muinaren transplantea egitea, emaitza hobeak lortze aldera. Zorionez, familian bertan aurkitu nuen emailea: Fatima arreba.

Bakar-gela batean nengoela, Valdecillako Ospitalean, eguneroko bat idatzi nuen koaderno batean. Egun hartan, honako ohar hauek idatzi nituen:
  • Ondo egin dut lo, baina gosaldu ondoren, larri.
  • 10:30ean, transplantea: hiru poltsa.
  • Begotxu 10:05etan iritsi da.
  • Lehen poltsarekin, berotasuna aurpegian.
  • Ni, etzanda. 3-4 aldiz hartu didate tentsioa.
  • Bigarren eta hirugarren poltsekin, arazorik ez.
  • Guztira, 20 bat minutu iraun du transplanteak.
  • Logura, aurrez hartutako botika batek eraginda.
  • Lo egin dut bazkal ordura arte.
  • Polito bazkaldu dut.
  • Siesta eta lo. Deskantsaturik jaiki naiz.
  • Apur bat afaldu dut. Polito.
  • Kostatu egin zait lokartzea, deskantsatuta bainengoen.

Nork: Joxe Aranzabal.2011/07/29 09:47:45.514 GMT+2
Etiketak: joxe minbizia valdecilla 8 urteurrena | Permalink | Erantzunak (2) | Errenferentziak: (0)

Erantzunak

Aspaldiko Joxe! Besarkada handi bat, pozten naz ba 8. urteurrenaz.

Nork: patxi lurra.2011/08/06 22:41:54.134 GMT+2

Mila esker, Patxi, aspaldiko! Egun eta urte bakoitza opari bat izan dira. Besarkada bat.

Nork: Joxe Aranzabal.2011/08/08 11:49:24.505 GMT+2

Idatzi artikulu bat





Erantzun galdera honi erantzuna argitaratzeko:
Zenbat dira lau eta bi? (zenbakitan)




Estatistikak