Goiena.net Blog Komunitatea

Eskatu zure bloga   Sar zaitez blogera

2008/12/02 07:57:38.517 GMT+1

Zilarrezko surflariak

Joan den astean Enrique Dans blogariaren mezu batean ikasi nuen zer diren zilarrezko surflariak. Gainera, jakin nuen ni ere kategoria horretan sartzen naizela. Bitxia iruditu zitzaidan, eta berehala prestatu nuen sarrera bat Komunikazio-glosategirako:
  • zilarrezko surflari. (silver surfer). (Internet) Pertsona adinekoa da, jeneralean 50 urte baino gehiago ditu, eta ordu asko igarotzen ditu Interneten nabigatzen. Izatez, Silver surfer —hortik baitator izena— komikietako heroia zen, ahalmen handikoa, eta unibertsoa zeharkatzen zuen bere oholaren gainean.
Silver horrek badu, bestalde, zerikusirik goiko definizioarekin, zeren adin horretako jende askok —ez denok, bistan da, zenbaitzuri apenas geratzen baitzaigu ilaje handirik kaskoan— urdinduta baitute ilea. Betoz, bada, zilarrezko surflariak, beraiena izango baita erretiratuen paradisua.

Nork: Joxe Aranzabal.2008/12/02 07:57:38.517 GMT+1
Etiketak: surflari internet | Permalink | Erantzunak (0) | Errenferentziak: (0)

Idatzi artikulu bat





The CAPTCHA image

Idatzi goiko irudiko hizkiak beheko kutxan. Spamari aurre egiteko Captchas.net zerbitzuari esker




Estatistikak