Faroa

Atzo Eibarren izan nintzen, CodeSyntax enpresak antolatutako jardunaldi batean, Hedabideak eta sare-sozialak bidegurutzean. Bertan, Twitter izan nuen hizpide, beste bi hizlarirekin batera: Iban Arantzabal eta Luistxo Fernandez. Azken honek baina, Umap aurkeztu zuen, Twitter-etik abiatuta.

Jende dezente elkartu ginen jardunaldian, gehienak aspaldiko lagunak. Horrek ohi baino erosoago sentiarazi ninduen. Bestetik, gustura entzun nien Ibani eta Luistxori, eta baita entzuleei, parte hartu zutenei ondorengo elkarrizketan, bertan gauza interesgarri asko esan ziren-eta.

Mila esker CodeSyntax enpresari jardunaldia antolatu eta bertan parte hartzera gonbidatzeagatik, eta zorionik beroenak bere 10. urtean!

Nire aurkezpena hementxe dago, eta hitzaldiaren testua Scribd-era igo dut. Nahi duzuenok, hantxe duzue eskuragarri. (Argazkia: Joxe Felix Diaz de Tuesta)