Goiena.net Blog Komunitatea

Eskatu zure bloga   Sar zaitez blogera

2008/07/11 07:05:24.399 GMT+2

Mondegreen

Merriam-Webster hiztegiak onartutako berba berrien artean, bat dago berezi askoa: mondegreen.
  • Mondegreen: hitz edo esaldi gaizki ulertuak, batez ere abestietan, baina baita aipu eta klasikoen erreferentzietan.
Merriam-Webster hiztegiak dio hitz hori datorrela Eskoziako balada batetik, non hitzek esaten zuten "laid him on the green", baina denborarekin, jendeak amaitu zuen esaten "Lady Mondegreen".

Gure etxean badugu horren adibide bat. "Joxe Migelen batela, txitxarrua ta berdela..." abestia, guk beti abestu izan dugu "Joxe Migel de Matela, txitxarrua ta berdela...", arreba zaharrenetik hasi eta arreba gazteenarekin amaitu. Bego emazteak zenbat barre egin duen gure lepotik nahaste edo mondegreen hori dela-eta! Seguru nago beste askok ere adibide mordoa izango duzuela bazterretan.

Nork: Joxe Aranzabal.2008/07/11 07:05:24.399 GMT+2
Etiketak: merriam-webster hiztegiak mondegreen | Permalink | Erantzunak (2) | Errenferentziak: (0)

Erantzunak

Berba polita, Mondegreen. Badaukat bat, Arrasateko Bastida Akademia, mundu guztiak "Labastida" deitzen du.

Nork: juan luis.2008/07/11 11:06:26.426 GMT+2

Euskaraz, Mendigreen esaten zaio fenomeno honi. Eibartarrak zerrendan sarri irten den kontua da, eta hango partaide Xabier Mendiguren Elizegiren omenez-edo Mendigreen euskaratu izan dugu kontzeptua duela urte batzuetatik.

Hemen zenbait mendigreen euskaldun.

Nork: Luistxo.2008/07/11 12:10:23.636 GMT+2
http://eibar.org/blogak/luistxo/

Idatzi artikulu bat





Erantzun galdera honi erantzuna argitaratzeko:
Zenbat dira lau eta bi? (zenbakitan)




Estatistikak