Faroa

Euskal Herriko mendebaldeko industrializazio handiarekin erlazionatuta dagoen gaia da hori. Bizkai osoa eta Gipuzkoako mendebaldea (Deba ibaiaren arro osoa) Euskal Herriko gainontzeko tokiak baino gehiago eta arinago industrializatu ziren, eta inguru horietako nekazariek diru errazagoa eta etorkizun oparoagoa ikusi zuten industria horietan, baserrian baino. Ondorioz, batzuek lurrak saldu zituzten eta hirira joan. Baserrian gelditu zirenen kasuan, berriz, ikusi zuten lur horiek dirua eman zezaketela bertan pinua landatuz gero, nonahi sortzen ari ziren paper-fabriketarako.

Ez dot uste zure inpresio hori zuzen-zuzena danik. Hurrago dago Artzik aitatutako zeretik. Pinu-landaketak 2 konturen arabera zabaldu dira:
- eskualdea industrializatzea eta lurrak lantzeari uztea (eta lurrari etekina ataratzeko zuhaitz exotikoen landaketak ugarittu dira)
- eskualde horretan lur eta eguraldi aproposa izatea. Insinis pinua Californiako kostaldetik dator, eta eguraldi epela behar dau (neurri batean, kostaldeko epelaren babesa)

Araban ez dago aukerarik: oindiok lurra lantzen da, eta gainera bertako eguraldia ez da aproposa intsinis piñuarendako.

Nafarroan antzera.

Iparraldeko zenbait eskualdetan haziko litzateke, baina han ere lurra lantzen da oraindik.

Zer geratzen jaku? Gipuzkoa eta Bizkaia. Industrializatuak, eguraldi epelekoak, kostan... Eta ez dot uste Bizkaian Gipuzkoan baino piñu gehiagorik dagonik. Alderantziz: Bizkaian (epelagoa dalako eta aran zabalagoak dittualako) eukaliptusa sartu da, eta Gipuzkoan piñua bakarrik (edo ia bakarrik).

Eskerrik asko bioi. Oso azalpen zentzuzkoak eman dizkidazue. Hala ere, iruditzen zait Gipuzkoaren mendebaldean, bizkaiera hitz egiten den eremuan, askoz ere pinu gehiago dagoela probintziaren gainerako lurretan baino.

Ez dot lortu datu zehatz-zehatzik, baina gitxi gorabehera, basoen %60-70 pinuak dira Deba Ibarrean, Urola Kostan eta Goierrin.
Alde nabarmen-nabarmenik ez. Donostialdean pinadi gutxiago dago, baina baita Bilbo-Uribe inguruan ere.

Hala bada, hala biz, Asier, eta kasu horretan nire pertzeptzioa okerra da, eta ez dut oztoporik hori aitortzeko. Eskerrik asko, berriro ere, zure azalpenengatik.

Beno, txosten honen arabera, honakoak dira pinus radiata (insifnis) espezieak basoetan dituen ehunekoak:

Bizkaia  % 56

Gipuzkoa %40

Gipuzkoako eskualdeak (gehiagotik gutxiagora ordenatuta): Deba Garaia % 61, Deba Beherea % 52, Urola-Kosta % 51, Goierri % 34, Tolosaldea % 29, Donostialdea % 24, Bidasoa % 18.