Iruña-Veleia, gezurra ala egia?

            Aupa, JuanMartin!

            Joxin Iturriotz nauk. Hori esanda ez nauk ezagutuko, eta ahalegina egitea alperrik izango duk. Iruña-Veleiako auzian badiat interesa, eta Donostian hik emandako hitzaldian izan ninduan, gero mokadutxoa elkarrekin egiteko aukera izan genuelarik.

            Bukatu berri diat euskarazko grafitoei buruz hik idatzitako liburua. Gustatu zaidak, gustatu baino arazoa konpontzea egokiago izango litzatekeen arren. Arretaz irakurri diat, eta ez nauk iradokizunak eta ñabardurak egiteko inor, ez arkeologiaren ikuspegitik, ezta linguistikarenetik ere. Dena dela, nire ezagutza laburretik ados nauk hik idatzitako guztiarekin, horrek askotarako balioko ez duen arren.

            Uzten badidak, hik idatzitako kontu txiki bat osatu egin nahi nikek, baliagarria izan daitekeelakoan. 96. orrialdean aipatzen duk “Bizkaiko une batzuetan, Enkarterrietako Valmaseda, Karrantza eta Lanestosa aldean batez ere, ... euskal toponimoak ugari” direla, eta bi liburu aipatzen dituk oharrean.

 

            Baduk beste liburu bat, zuzenean inguru horietako toponimia aztertzen duena:

- Jesús Etxebarria Mirones eta Txomin Etxebarria Mirones

            Orígenes históricos de las Encartaciones. Siglos X – XIII. Toponimia, onomástica y lengua propia.

            Edizioa partikularra duk, bi anaiek egindakoa, 1994 urtean.

 

            Beraien teoria duk apenas agertzen dela euskarazko toponimiarik inguru horietan, eta agertzen dena oso-oso berria dela, garai modernoetakoa, alegia.

            204-205 orrialdetan horrela agertzen duk:

 

            “2.2.2.- Palabras de los topónimos de etimología vasca

            No parecen existir muchas dudas sobre la etimología vasca de los topónimos

25.- GALHARRAGA

30.- HUART

Añadimos como vasco el 26.- GASTANEGA

En total son tres palabras, que representan el 4,68 % del total”.

 

            Zer esanik ez beraien ondorioa dela Karrantza eta inguruetan sekula ez dela euskaraz egin (Barakaldon bai, noski). Horrek ez dik esan nahi euskararen aurkako beligerantzia daukatenik. Txominek ikasi egin zian, eta nahiko egoki egiten duela esan zezakeat. Jesusek ez zian ikasi (orain urte batzuk zendu zuan).

            Begiratu diat beraien bibliografian hik aipatutako liburu biak agertzen diren, eta ez bata ez bestea ez dituk agertzen.

            Ez zekiat guzti honek zerbaitetarako balioko duen, baina badaezpada bidaltzea pentsatu diat. Liburua behar baldin baduk, eskatu besterik ez duk (liburu-dendatan ez duk aurkituko, eta zaila izango duk liburutegietan; agian “préstamo bibliotecario” delakoarekin).

            Hire lanean jarraitzeko animatzea baino ez zaidak gelditzen. Eskerrik asko guztiagatik.

            Ondo izan

                                                                                Joxin Iturriotz

Joxemartin:
Hilaren 11a San Martin eguna da, zure eguna...baina zure eguna izateak ez du esan nahi igandea denik.

Beraz: Hitzaldia hilaren 11n, igandez... horrek badu okerrik nunbaitan.

kaixo juan martin;

ostegunean arrasaten emandako hitzaldian jasotako guztiagatik ESKERRIK ASKO.

Ez etsi, segi egiaren bila.

 

  

Hori, segi argiaren bila eta argia ekarri gure buruetara, baina badaezpada argudio-arazoak sortzen dizkizuten eztabaidetan ez erantzun eta tira aurrera, idiek bezalaxe, gezur txarto koadratu horiekin.

Barkatu despistea. Zuzendu dut. Milesker Anttoni ohartzeagatik. Eta Joxin Iturriotz eta Jokini animoengatik. Eta goraintziak Iñaki Astoreka delakoari, aurrekoetan Felix Iñaki, Iñaki Arriaga eta abar sinatu izan duenari. Jarraitu, mesedez, hemendik aurrera ere Astorekarekin. Oso ondo koadratzen dizu.