Iruña-Veleia, gezurra ala egia?

Lurmenetik 2007ko hasieran alde egin zuten (grafitoak aurkeztu eta sei hilabetera, arrazoi laboralak argudiatuz) hiru arkeologoen adierazpenen gainean eraiki da faltsutzearen teoriaren froga "erabakigarriena". Barandiaranen liburuan ere pisu handia du. Baina liburuak ez du esaten, besteak beste, hiruretarik batek, Carlos Crespo Beistegik, elkarrizketa luzea eman zuela Gasteizko Hala Bedi Irratian, grafitoak prentsaurrekoan agertu eta gutxira (2006-VI-26), non mila azalpen emateaz aparte, ez duen inolako zalantzarik agertzen grafitoen benetakotasunaz. Hemen grabazioa. Oso interesgarria da, baita, Lurmenek hiru pertsona hauei eman zien idatzizko erantzuna. Argitu beharra dago epailearen aurrean salaketa egiteko orduan ez zela Carlos Crespo agertu. Hala Bedi-ko grabazioaren beldur, beharbada?