Mathiasen kopilotua

Hainbat aldaketa tarteko, Urrezko Baloia beranduago dator aurten. Abenduaren 6an emango dute jakitera FIFAk eta France Football aldizkariak boto gehien jaso dituzten hiru futbolariak eta sari banaketa urtarrilaren 10ean egingo dute, Zurichen. Barcako Xavik irabaztea gauza handia litzateke, taldearen termometroa izateaz gain, estilo baten eredu ezin hobea ere badelako. Jokalari aparta, urtetan maila bikaina erakutsi duena. Kontuak kontu, hauek izango dira Xaviren aurkariak bozketan: Xabi Alonso, Dani Alves, Casillas, Cristiano Ronaldo, Didier Drogba, Eto'o, Cesc, Forlán, Asamoah Gyan, Iniesta, Júlio César, Klose, Lahm, Maicon, Messi, Thomas Müller, Özil, Puyol, Robben, Schweinsteiger, Sneijder eta Villa.

Besteak beste, Piqué, Diego Milito... eta Del Piero botatzen ditut faltan. Del Piero, Juventuseko golegilerik handiena bilakatu delako eta klasea soberan duelako, beste barik.

Zilarrezko Meloirako aurtengo hautagaiak izateko beste hauek batu ditut, glory hunter baten laguntzarekin (thanks Herrman!!!): Chygrynskiy, Ibrahimovic, Keirrison, Henrique, Kaká, De Mul, Chevantón, Benzema, Arizmendi, Carleto, Marchena (badago zikinagorik?), De Jong (bai, badago... zoritxarrez, ai!), Metzelder eta Raul (Schalke gizajoa!), Faubert, Diarra (Mahamadou zein Lass), Babic, Pennant, Carrizo (ai, ai, ai!... ostia, ostiaaa! ufff!), Asenjo, Perea, Del Horno, Robinho eta Ronaldinho (Zipi eta Zape), Macheda, Manucho Gonzalves, Luis García, Negredo, Brayan Angulo, Matías Fernández, Athleticeko hiru tenoreak (Zubiaurre, De Zerio eta Castillo), Realean sufritu genituen Johnatan Estrada eta Frank Songo'o eta, azken hautagaia: Juan Carlos Arteche (in memoriam).