Mathiasen kopilotua

Señorito andaluz harroputzaren itxura hartzen diot Carlos Herrerari eta oso gutxitan irakurri ditut haren artikuluak. Betitik antipatikoa egin zait tipoa, ahoz zein idatziz. Gaur, ordea, bazkalostean, bere azken artikuluaren sarrerak harrapatu nau: La búsqueda de la tortilla perfecta es un ejercicio inagotable. Los "tortillistas" rastreamos pistas, investigamos, seguimos consejos, trazamos mapas del tesoro, compartimos descubrimientos.

Tortillista bat izanik, neuk ere konpartituko dut nire beste debilidadetako bat: Eguzkilore tabernako tortilla, nire uste apalean munduko onenetakoa.

Carlos Herrerak Gasteizko bi nabarmentzen ditu aipatutako artikuluan: Sagartokikoa eta Txiki tabernakoa. Hara joango naiz laster, Grial Santuaren atzetik... Bide batez, beste tortilla gomendagarririk ezagutzen duzue?