Mathiasen kopilotua

Zapatuan, Tayuta talde japoniarraren kontzertuan egon ginen Eskoriatzan eta etxera heldutakoan, Realaren emaitzaren berri jakin nahi nuen. Telebista piztu eta ETBren teletextora jo nuen. Kirolen atalean izenburu hauek aurkitu nituen:

136 Neurketa hasi da Vistalegren (partidua arratsaldean jokatu zen eta bukatuko zen ba!)
137 Gehiegizko zigorra
138 Garaipen erosoa Xala eta Zubietarentzat (10-22) (ostiraleko partidua zen, Donibane Lohizune ederrean jokatutakoa)
139 Llorentek atseden hartuko du, baina Athleticek ez (tira! Zer egin behar zuten ba zuri-gorriek, jai eskatu, ala?)

Horien artean Realarena bigarrena izango zela pentsatu nuen eta hara jo nuen, testutxo hau topatuz:

Murtziak hobeto jokatu zuen, baina ez zuen garaipena eskuratzeko moduko jokoa eskaini. Txuri-urdinek indartsuago hasi zuten partida, baina berehala baloiaren jabetzea eskuratu zuen Jose Miguel Camposen taldeak eta Bravo estutu zuen. Despotovic markagailua estreinatzeko zorian izan zen 19.
09/12/14

Y hasta aquí puedo leer... Hortxe bukatzen zen partiduko kronika! Ez dakit gaur egun norbaitek kasu egiten dion teletextoari, baina ETBrena ikusita, hobe kentzea.