Mathiasen kopilotua

Uan, txu, zri, for... eta faif. Bosgarren Zilarrezko Meloia emateko ordua iritsi da, bai. Gaur jakin dugu Leo Messik eramango duela Urrezko Baloia (hip, hip, hurra!!!). Baina zein izango da urteko paketea? Atletico de Madrid taldearekin hasi ezkero, hautagaien zerrenda luzea litzateke: Coupet (ayyy!, Frantziara bueltan aurreko asteburuan lesionatu zen), Heitinga, Ujfalusi, Juanito, Perea, Pablo, Raul García, Reyes, Luis García... Madrilen haien bizilagunak direnak edo izandakoak ere badira: Pepe eta Marcelo (a ze parea!), Faubert, Heinze, Metzelder, Van der Vaart, Gago, Robinho... Eta hango eta hemengo hautagaiak ere bai: Luca Toni, Tomasson (bideo horretan agertzeagatik nahikoa meritu egin du Zilarrezko Meloia eskuratzeko), Abel (idem), Nilmar, Pennant, Cannavaro, Berbatov, Nakamura, Aquilani, Adriano, Necati (harrigarria bada ere Anoetako idoloa iaz; turkiar potolotxoak justu-justu hobeto zuen Lee Chun Soo sinpatikoaren marka, gol bakar bat eginez), Casquero (ez du penaltirik gehiago botako, ala?), Maxwell, Chigrinsky...

Betiko moduan, iradokizunak onartzen dira, nola ez. Eskerrik beroenak Jürgen&Herrman bikoteari, zerrenda osatzeko emandako laguntzagatik.