Mathiasen kopilotua

Nire beste debilidadetako bat: lagunen edo bestelakoen etxean sartuz gero, apaletan dauden liburuei botatzen diet begia. Gauza bera autobus geltokian, hondartzan edo trenean. Gustatzen zait jakitea jendea zer ari den irakurtzen. Bai, aitortzen dut voyeur bibliofiloa naizela. Aurreko astean Barakaldoko Ikean egon nintzen eta hango altzari dotore, osagarri moderno eta gadget ederrei ez ezik, logela eta egongeletan zeuden liburuei erreparatu nien. Gauza bat deigarria egin zitzaidan: Stephen Fry aktoreak idatzitako Flodhästen liburuaren kopia mordoa zegoen Barakaldon. Gainerako Ikeako sukurtsuletan gauza bera errepikatuz gero, Stieg Larsson berari aurrea hartuko zion aktore ingelesak dagoeneko. Trilogia arrakastatsuan Ikeari egiten dion publizitatea ezer gutxirako balio izan dio Larssoni.