Mathiasen kopilotua

Oraingoan lagun on bati publizitate apur bat egiteko aprobetxatuko dut txoko hau. Etxean party bat egin nahi duzula? Tabernetan betiko musika entzuteaz aspertuta zaudela? Bizilagunaren diskoteka hortera ezin duzula jasan eta hura akabatzeko zorian zaudela? Jendea inguruan dantzan ikusi nahi duzula? Ba deitu Elvis Cainori, ez zara damutuko-eta. Zapatu gauean Bergarako taberna baten jardun zuen, dotore asko gainera. Aspaldian ez nuen entzuten jarraian horrenbeste kantu on, mimo handiz aukeratuak denak… Binilo bilduma ederra dauka lagunak: Pixies, Motörhead, Cliff Richard, AC/DC, James Brown, Negu Gorriak, Beatles, The Dream Syndicate, Stevie Wonder, Michael Jackson, Atom Rhumba, The Yardbirds, Bowie, Roxy Music, Duncan Dhu, The Housemartins, Neil Young, The Beat, Chuck Berry, Jotakie, Elvis, Tom Petty, Itoiz…. Askotan horrela aurkezten du Elvisek bere burua: Izaro Aperribai… ¡mejores no hay! Ba horixe. Elvis bizirik eta dantzan dago, bai.