Demonocrazy

 

Denbora asko pasa da azkenengo aldiz “Regreso al futuro” trilogia ikusi nuenetik, egia esan hiru pelikulak ikusita eduki arren telebista bidez , erdizka, merezi duten arreta eman gabe, desordenatuta, iragarkiekin... ikusita nituen.

 

Horregaitik, Doc jaunaren omenez 3 gabetan 3 pelikulak ikusi ditut, jarraian, internetetik deskargatuta kalitate onean.

 

Aurretik ohartu ez nintzen detaile mordoaz konturatu naiz, akats asko ere aurkitu ditut bigarren eta hirugarren pelikuletan, izan ere lehen filma egin zutenean ez zeukaten pentsatuta saga jarraitzea, baina ekonomikoki gauzak ondo joan zirenez, beste bi film egin zituzten.

 

Filmak ikusi ondoren wikipediatik pasa naiz detaile gehiago aurkitzeko eta bertan eskema hau aurkitu dut (Spoiler: filmak ez badituzu ikusi ez jarraitu irakurtzen):

 

 

 

 

Bertan hiru pelikuletan denboraren zehar egiten diren bidai guztiak agertzen dira, argi ikusten da lehen eta azken filmak erraz ulertzen direla, bidai gutxi daude, baina bigarren filmeko bidaia guztiak ulertzeko pentsatu egin behar da.

 

Gainera orain fresko dudala historia osoa, eskeman bidaia batzuk falta direla konturatu naiz, adibidez, Timeline 8 an Doc eta beraren emazteak trenean egiten duten azkenengo 2 bidaiak falta dira.

 

Bestalde filmean akats asko aurkitu ditudan arren, bat azpimarratuko nuke, Biff pertsonaiak etorkizuna aldatzeko egiten duen bidaian (timeline 4) iragana aldatzen du, beraz etorkizun alternatibo bat sortzen du (bera aberatsa bihurtzen den etorkizuna), kirolen gida eman ondoren berriro ere etorkizunera joaten da, baina filmean Timeline 3 ra joaten den arren, iragana aldatu duenez bidaia horretan Timeline 5 era joan beharko zen, Doc denboran bidaiatzeko makinarik gabe geratuz eta saga guztia aldatuz. Gainera situazio honek paradoxa asko sortuko luke.

 

Badirudi gizakia ez dela inoiz prest egongo denbora kontrolatzeko, beraz bitartean De Loreanik ez dugunez joku bat aurkeztuko dizuet:

 

 

Chronotron

 

Logika erabili behar da flash joku honetan, bertan denboraren zehar bidaiatu beharko duzu nibelez pasatzeko, zure bidaiek erreakzioak edukiko dute iraganean eta etorkizunean, helburua ikono bat hartzea eta ondoren jaio zaren makinara bueltatzea.

 

Baina kontuz, zure akzio batek zure iraganeko pertsonan geizki eragiten badu zureak egin du, paradoxa jokuan galtzeko era bat da.

 

Azaltzeko zaila den arren, ondo kalkulatzen baduzu iraganean egindako aldaketak etorkizunean lagunduko dizute.

Nik kostata, jokuko 35 nibelak gainditu ditut, animo etorkizunera itzultzen zaretenean  elkaturko gara berriz  eta gogoratu, etorkizuna ez dago idatzita!