Demonocrazy

Ostegunian azterketak amaitu neban eta hau ospatzeko aste bukaeran kontzertu batzuetara juteko asmua neukan, horretarako neretako interesgarriak dien kontzertuen agendan begiratu neban ta benetan asteburu interesgarria zala ikusi neban.

Ekonomiagatik kobetasonik eta bad religion listatik kendu ondoren;

Ostiralian Berri txarrak ikustera joan giñen Leioara, jende asko, anbiente ona, gustoko teloneroak (alerta) eta aitzaki bat, rubio baxujolearekin ikusteko gero eta aukera gutxiago gelditzen direla. Azkenengo aldiz Abadiñon ikusi nituenean jendea geldi bazegoen oraingoan alderantziz, kriston anbientea, gainera Nirvanaren bertsio bat oparitu ziguten, merezi izan zuen Leioaraino hurbiltzea.

Larunbatean nik Andoaineko Rock gauera  jutea nahi nuen, baina lagunak Arrasatera, azkenean bi lagun erdiko gauza batekin konbentzitu nituen eta Eibarrera joan giñen, lehenengo kuriositate hutsez “los suaves” taldearen azken kantak ikusi genituen, ez da nire estiloa baina zegoen giroarekin ez ginen aspertu. Garagardo azokatik ere pasa giñen eta ondoren txosnetako kontzertuetara.

Zea-mays ek zabaldu zuen gaua, uste dut gutxietsitako talde bat dela, taula gainean asko transmititzen dute eta azkenengo diska “Morphina” kalitatezko lana da. Estudioan onak dira baina zuzenean hobeak, gainera bis-a asko luzatu zuten eta bitartean bertsio batzuk oparitu ziguten (wolfmother, muse, qotsaren kanta baten hasiera...).

Euriak ez zuen lagundu baina zea-mays bukatu ondoren Cobraren ordua heldu zen, beraien “The strong arm of the rock” diska gustoko dudan arren zuzenean ikusten nituen lehen aldia zen, ondo egon ziren, baina iraupen motzeko kontzertua izan zen, iñungo gehiegikeriarik esan gabe esan dezaket zea-mays en bis-a cobraren kontzertuaren iraupena izan zuela. Kontzertua bukatu bezain laster bueltatu giñen etxera.

Asteburua aprobetxatu dudala esan dezaket, gustatzen zaidan gauzak egin ditugu nire udako lehen asteburu hontan, espero horrela jarraitzea.