Debagoieneko Mendi Bizikleta Zirkuitua

2010/11/02 12:25:24.594 GMT+1

Arrasateko martxako argazkiak

Hemen dituzue joan den asteburuan Arrasaten egindako mendiko bizikleta martxako argazkiak. Amaitu da aurtengo zirkuitua. Mila esker Leintz Gatzagara, Oñatira, Eskoriatzara, Bergarara eta Arrasatera etorri zareten guztioi. Datorren urtera arte!

Nork: debagoienamtb.2010/11/02 12:25:24.594 GMT+1
Etiketak: argazkiak martxa 2010 arrasateko | Permalink | Erantzunak (0) | Errenferentziak: (0)

2010/10/18 16:47:24.026 GMT+2

Zapatuan (urriak 23) Arrasateko mendi bizikleta irteera

Oraingo zapatuan antolatuko du Besaidek Arrasateko mendi bizikleta martxa, Debagoieneko zirkuituko azkena. Hala, joan den astean Eskoriatzan lokatz artean ibili ostean, zapatuan Arrasatek hartuko du errelebua. Arrasateko bizikleta irteera Besaideren mendi hamabostaldiaren barruan dago.
Antolatzaileak 09:30ean izango dira Musakolako kiroldegian, izenak hartzen, eta 10:00etan hasiko da proba, kiroldegian bertan. Hemen kartela!!!

Nork: debagoienamtb.2010/10/18 16:47:24.026 GMT+2
Etiketak: mendi bizikleta martxa 2010 arrasateko | Permalink | Erantzunak (0) | Errenferentziak: (0)

2010/10/12 18:39:45.602 GMT+2

Eskoriatzako 21. martxa egingo dute domekan

Domekan egingo dute, hilak 17, Debagoieneko zirkuituko laugarren martxa, Eskoriatzan (09:00). Udalaren laguntzarekin, Areka BTTko lagunek bi ibilbide prestatu dituzte domekarako.

Luzea eta motza
Ibilbide luzeak 39 kilometro izango ditu, eta azken urteotan moduan, gorputzaldi nahiko onean dagoen jendearendako prestatutako ibilbidea izango da. Baina, ez dituzte baztertu bizikletan horrenbeste ez dabiltzanak, eta ibilbide motzagoa ere prestatu dute, 26,5 kilometro dituena, eta luzeak baino malda gutxiago duena. Antolatzaileak 08:15etatik egongo dira izenak hartzen (federatuek 10 euro, besteek 15).
Informazio gehiago, hemen.

Nork: debagoienamtb.2010/10/12 18:39:45.602 GMT+2
Etiketak: eskoriatzako 2010 martxa | Permalink | Erantzunak (0) | Errenferentziak: (0)

2010/10/08 11:10:38.107 GMT+2

Legutioko mendi bizikleta martxa, bihar, hilak 9

Legutioko V. mendi biziketa martxa egingo dute oraingo asteburuan, hilak 9. Irteera 09:30ean izango da, Legutioko plazan (izenematea 08:30ean hasita).
Antolatzaileek 32 kilometrotako ibilbidea prestatu dute, iazko bera. Besteak beste, Albertia eta Jarindo inguruetan ibiliko dira (Federatuek 10 euro, gainontzekoek 12).

Nork: debagoienamtb.2010/10/08 11:10:38.107 GMT+2
Etiketak: legutioko martxa | Permalink | Erantzunak (0) | Errenferentziak: (0)

2010/10/06 15:55:24.391 GMT+2

Bergarako martxako bideoa, Goiena.net webgunean

Astelehenean GOITBko Harmailatik saioan eskainitako bideoklipa:

Nork: debagoienamtb.2010/10/06 15:55:24.391 GMT+2
Etiketak: | Permalink | Erantzunak (0) | Errenferentziak: (0)

2010/10/05 15:13:52.131 GMT+2

Bergarako martxako erretrauak

Joan den domekan 175 lagunek hartu zuten esku Lokatzak antolatutako bizikleta martxan.

Argazkiak, hemen:

Nork: debagoienamtb.2010/10/05 15:13:52.131 GMT+2
Etiketak: bizikleta martxa 2010 bergara | Permalink | Erantzunak (0) | Errenferentziak: (0)

2010/10/01 13:00:29.569 GMT+2

Fetxa aldaketa: Arrasateko martxa, urriaren 23an

Oraingo domekan (urriak 3) egingo dute Bergarako mendi bizikleta martxa (09:00, Agorrosin). Eta, Debagoieneko zirkuituko hurrengo hitzordua Eskoriatzakoa izango da, urriaren 17an.

Hor ez da aldaketarik izan, baina bai Arrasatekoan, antolatzaileek egunez aldatzea erabaki dutelako. Hala, urriaren 23an, zapatua, egingo dute Arrasateko mtb martxa. Datozen asteotan aurreratuko dizuegu informazio gehiago.

Hasteko, ondo ibili domekan Bergaran. Datorren astean igoko ditugu hona martxako erretratuak

Nork: debagoienamtb.2010/10/01 13:00:29.569 GMT+2
Etiketak: | Permalink | Erantzunak (0) | Errenferentziak: (0)

2010/09/28 18:04:32.362 GMT+2

Antolatzaileek gertu dute dena domekan Bergaran egingo duten mendiko bizikleta martxarako

Azken asteotan ibilbideko bide bazterrak garbitzen ibili ostean, Lokatzako lagunek domekan (urriak 3) egingo dute Bergarako mendi bizikleta martxa, Debagoieneko zirkuituko hirugarrena –Eskoriatzakoa urriaren 17an da, eta Arrasatekoa urriaren 23an.

Domekan ziklistek 09:00etarako gertu egon beharko dute Agorrosinen, orduan hasiko dute-eta martxa: "Pentsatu dugu jendeari aukera ematea apur bat lehenago edo geroago irteteko. Hala, azkar ibili nahi dutenei inork ez die trabarik egingo, eta bidea lasaiago egin nahi dutenek ere ez dute oztoporik izango. Irteera ofiziala, baina, 09:00etan izango da", adierazi digu antolatzaile lanetan dabilen Unai Asurmendik.

Bi ibilbide izango dira
Domekan, ibilbide luzeak 30 kilometro (837 metroko desnibela) izango ditu, eta motzak 22 kilometro (730 metroko desnibela): "Asentzio aldera igoko gara lehenengo, eta handik Elgetara jaitsi. Lehengo bide zahar batzuk garbitu ditugu, gero ere erabilgarri egon daitezen eta uste dugu jaitsiera politak daudela ibilbidean zehar". Hala, iazkoa baino ibilbide errazagoa egin nahi izan dute: "Proba batzuk geroago eta gogorrago egiten dituzte, baina gehienetan gogortasuna txikitzen dabiltza, jende gehiago animatu dadin-edo. Ibilbidea Gorla aldera eginez gero desnibel handiak gainditu behar dira, eta horregatik erabaki genuen Asentzio aldera egitea, lasaiago ibiltzeko, eta noski, bide berriak ezagutarazteko".

Informazio gehiago hemen.
Oh: datorren astean martxako erretratuak zintzilikatuko ditugu blogean.

Nork: debagoienamtb.2010/09/28 18:04:32.362 GMT+2
Etiketak: bizikleta martxa mendiko bergara | Permalink | Erantzunak (0) | Errenferentziak: (0)

2010/09/21 09:43:19.374 GMT+2

Bergarako bizikleta martxa, urriaren 3an

Leintz Gatzagako eta Oñatiko mendi bizikleta martxen ostean dator zirkuituko hirugarren hitzordua, Bergaran. Martxoaren 3an izango da hitzordua (09:00), eta iazko ibilbidearekin alderatuta antolatzaileek proposamen erabat ezberdina egingo dute ibilbideari dagokionez, Bergararen ipar ekialdeko mendietan ibili beharrean (Gorlako inguruak), ipar mendebaldera egingo dutelako, Elgeta aldera. Izena emateko biciprecisionigartua webgunera jo, eta bertan izango duzue martxaren gaineko informazio gehiago. Hemen ibilbidearen mapa: