Duela urte bete inguru ezagutu genuen elkar Iraleko ikastaroan, ezagutu baino, ezagutzeko bidean esan beharko. Hauxe dugu hirugarren elkarraldia; sintaxiatik, mugagabetik pasatu barik, sintoniara pasatu gara, eta, oraingoan, Sarasolaren “Zehazki” hiztegiari kontsultarik egin gabe, gainera. Eta ez da azkena izango!
Guztira 13 gara, baina gure helburuekin bat egiten duen jende gehiago ere badago.
Hauxe da PUTTARRI taldearen organigrama:
PUTTARRI
Azpitaldeak:
Fandango
Harrera
Jarrera
Arre-arre mandoko
GuGeu...
Eta beste batzuk ere espero ditugu.
Hurrengo irteera GuGeu azpitaldearen esku geratzen da.
Oraingo honetan falta izan direnei; belarrietatik tira, asistentzia-parte hartzearen arduradunaren, Anttonen, hitzetan.
Bi kide jaitsiko ditugu, dagoeneko, kategoriaz, ganoraz erantzuten ez dietelako hartutako konpremezuei. “Berdel eguna” pasata dugu eta ez dute ezer ere antolatu!
URBITARTE sagardotegia. MAMARIGAKO taldea
Mamariga Santurtziko auzo bat da, nortasun handikoa. Sagardotegian ari ziren bazkaltzen, gure antzera, baina eurak bertsolaria eta guzti. Txotx egitera joaten zirenean, geuk ere gauza bera, euren atzetik, hola, bertsoak entzuteko aukera genuen eta. Eta bertsolaria nor? Oriotar bat, Eusebio Lasarte.
Galdetu nienean ea nolatan hemendik; hauxe erantzuna: “Bizitza ari gara ospatzen”.
Idatzi artikulu bat