Bidasoatik

2009/05/19 23:42:19.680 GMT+2

Antxoa egune

Antxoarik ez, baina antxoaren eguna ospatzeko aukerarik ez dute galtzen Ondarroan: bertsolariak, estropadak, umeentzako jolasak...

Eta ekologisten protestak ere hantxe: Aieriko paduran 500 etxebizitza agin nahi ditu udalak. Non eta paduran! Eta astakeria hori, beste asko bezala, "aurrerapenaren" izenean omen!

Eguna aprobetxatu nuen alde zaharretik paseatzeko eta aldaketak ikusteko. Pixapeko txabola bota dute; horren ordez etxeak, nola ez. Blog honetan idatzitako lehenengo artikulua txabola horren gainean izan zen, hura konpondu eta txukundu zuten gazteekin izandako elkarrizketa.

Lehen oinez egiten banuen bide hura, oraingoan igogailuan joan nintzen –bi igogailu erabili nituen bertaraino joateko–. Gustatu zait zelan egokitu duten espazio hori, igogailuarena. Eta aukera izan nuen ikusteko hainbat kalek, ondiokan, Athletic-en banderez apainduta jarraitzen duela.

Nork: Gotzone Elu.2009/05/19 23:42:19.680 GMT+2
Etiketak: ondarroa egune antxoa | Permalink | Erantzunak (1) | Errenferentziak: (0)

2009/03/25 09:27:18.885 GMT+1

Bulder

Urgull aldera paseoan joan eta hantxe zebilen gazte talde bat pareta eskalatzen, bulder edo blokea praktikatzen. Fortunakoekin ibiltzen omen dira. Eguraldi ona aprobetxatzen dute kalean aritzeko; bestela eskalada-murruetan edo rokodromoetan aritzen dira. Bati galdetu diot ea zer den zailena. "Niretzat irteerak dira zailak, behetik gora egin behar delako" –dio Albertok–.

Nork: Gotzone Elu.2009/03/25 09:27:18.885 GMT+1
Etiketak: bulder blokea eskalada | Permalink | Erantzunak (0) | Errenferentziak: (0)

2009/03/22 17:54:28.311 GMT+1

Eguzki amandrea

Eguzki amandrea
Zer dakarzu berri?
Negua joan da eta
Orain udaberri.

Eguzki amandrea,
Zer dakarzu berri?
Uda helduko delako
Berotuko zaitut nik.

Egunotako eguraldiak umetan abesten genuen abestia gogorarazi dit. Neguari agur esan eta denok irten gara kalera eguzkitan egotera, eguzkitan paseatzera, irakurtzera, batelean ibiltzera, edo, besterik gabe egonean egon... eguzkitan.

Nork: Gotzone Elu.2009/03/22 17:54:28.311 GMT+1
Etiketak: udaberria primavera | Permalink | Erantzunak (0) | Errenferentziak: (0)

2009/03/17 22:17:29.219 GMT+1

Alice Munro

ALICE MUNRO/Mentxu de la Cuesta

Idazle kanadiarra, idatzi dituen narrazio laburrengatik da ezaguna.

Nork: Gotzone Elu.2009/03/17 22:17:29.219 GMT+1
Etiketak: idazlea escritora literatura | Permalink | Erantzunak (0) | Errenferentziak: (0)

2009/03/15 11:04:58.397 GMT+1

Artea eta argazkiak

Artea eta argazkiak/Mentxu de la Cuesta

Artea eta haren prozesua era askotara egin izan dira historian zehar, betiere, baliabideen eta garaiaren arabera.

Emakume margolari inpresionistak

Nork: Gotzone Elu.2009/03/15 11:04:58.397 GMT+1
Etiketak: emakumeak artea women | Permalink | Erantzunak (0) | Errenferentziak: (0)

2009/03/14 08:00:58.728 GMT+1

Hondarribia: Emakume artistak

Hondarribiako EMEKI elkarteak Emakume Artisten erakusketa antolatu du aurten ere. Bertan, pintura, zeramika, argazkiak eta grabatuak ikusteko aukera izango dugu. Erakusketa martxoaren 15era arte izango da, Alde Zaharreko Zuloaga Etxean.

Nork: Gotzone Elu.2009/03/14 08:00:58.728 GMT+1
Etiketak: emakumeak mujeres women | Permalink | Erantzunak (0) | Errenferentziak: (0)

2009/03/12 20:00:42.203 GMT+1

Baldorbako Trufa eta Illarra jatetxea

Martxoaren 7tik 14ra, Donostiako Illarra jatetxeak Trufaren Jardunaldiak antolatu ditu. Bertan izan zen boilurraren ezaugarriak azaltzeko Esther Capellan, Orbaibarraren Garapenerako Elkarteko Proiektuen zuzendaria, Joxean Eizmendik gonbidatuta –Illarra jatetxeko nagusia–.

"Illarra jatetxean garaian garaiko produktuak indartu eta eskaini nahi ditugu, horien artean boilurra (trufa) edo "diamante beltza", gure gastronomian ia ezezaguna delako.
Jende askok uste du trufa hau garestia dela. Hori dela eta, ez dira boilurraren ezaugarri gastronomikoak ezagutzen, eta horrexegatik ez da erabiltzen Euskal Herriko sukaldeetan.
Illarra jatetxean eskaintzen dugu edonork ordaindu dezakeen menu bat."

Nork: Gotzone Elu.2009/03/12 20:00:42.203 GMT+1
Etiketak: boilurra trufa sukaldaritza | Permalink | Erantzunak (0) | Errenferentziak: (0)

2009/03/12 09:54:21.901 GMT+1

Ongi etorri, Mentxu!

Nire blogek kolaboratzaile bat izango dute, bere ekarriarekin aberastuta aterako dira: Mentxu de la Cuesta. Pintura, fotografia, literatura, erakusketak... Gai horiek ekarriko dizkigu Mentxuk, artearekin lotura duen edozer, eta, esan beharrik ez, bizitzarekin berarekin ere bai! Ongi etorri, Mentxu!

http://bidasoatik.blogspot.com

Nork: Gotzone Elu.2009/03/12 09:54:21.901 GMT+1
Etiketak: emakumeak euskalherria basquecountry artea | Permalink | Erantzunak (0) | Errenferentziak: (0)

2009/03/10 09:08:44.112 GMT+1

Kresala eta Garoa

Ez eman hautatzeko
Itsasoa eta lehorraren artean.

Itsasoarekin bakarrik galdu egingo nintzateke,
Lehorrarekin ito

Ez eman hautatzeko. Hemen geratuko naiz.
Olatu berde eta mendi urdinen artean

Kirmen Uribe