BERGARAKO BERRIKETAN EGITASMORAKO IZEN EMATEA ZABALIK

Bosgarren urtea da Berriketan egitasmoa abian jarriko duguna aurten. 

       Egitasmo hauen helburua euskararen erabilera bultzatu eta zabaltzea da, lagun euskaldunak eskainiz, euskaraz ikasten ari direnei, ikasi dutenei edo hitz egiteko aukera eta ohitura gutxi dutenei. Euskaldun zaharren artean jende gaztea, adinekoa, … denetarik dago, modu zuzenean euskara bultzatu eta euskaldun berriei laguntzeko gertu dagoena.

Euskaraz hitzegiten duten boluntarioak euskara praktikatu nahi dutenekin  elkartuz, euskaraz berba egitea errazten duen proiektua da; izan ere, erabiltzea da hizkuntza bat ondo ikasteko modurik onena, eta proiektu honek hori ziurtatzen du: astean ordu batzuetan euskaldun berriak (euskaltegitik kanpo) euskal hiztunekin berriketan egotea.

Ingurune euskaldunak sortu, indartu eta zabaldu nahi dituzte erabilera programa hauek, euskaltegi, euskara elkarte eta erakunde publikoen inplikazioaren bidez.

       Bergarako Udaleko Euskara Batzordea, Bergarako Udal Euskaltegia, AEK eta Jardun Euskara Elkartea.

Egitasmoan parte hartzeko interesa duenak deitu edo jarri harremanetan Bergarako Jardun euskara elkartearekin.

 Anima zaitez!

BERRIKETAN

JARDUN EUSKARA ELKARTEA

Errotalde jauregia, z/g

Tel. 943763661 - Maitane

 jardunkultura@topagunea.com

Joan zen igandean, hau da, ekainaren 6an bosgarren aldiz ospatuko da Euskal Herri osoko mintzapraktika programetako kideak batzeko Topagune Euskara Elkarteen Federazioak antolatzen duen Mintza Eguna jai aparta. Aurreneko aldiz Iruñean ospatu zen 2006an, eta ondorengo urteetan Donostiaren, Getxoren eta Gasteizen txanda izan zen. Oraingoan, ordea, gure eskualdeak hartuko du lekukoa. Aurten, Arrasaten ospatu dugu eta Arrasateko Alde Zaharreko kaleak Euskal Herri osoko mintzalagun, berbalagun, mintzakide eta solaskidez bete ditugu.

Baina Mintza Eguna ez da besterik gabeko festa bat, helburu zehatzekin sortutako jaia da. Batetik, ospakizun honen bidez mintzapraktika egitasmoen tamaina eta zabalkundea eman nahi dira ezagutzera, era berean, tokian tokiko egitasmoetan parte hartzen duten partaideei mugimendu bateratu baten kide direla ikusaraziz. Bestetik, mintzapraktikak duen aisialdiko alde ludikoa ere azpimarratu nahi da: mintzalagunek elkar ezagutzeko aukera paregabea baita Mintza Eguna, ikasturteari amaiera goxoa eskaintzeko modu bat.

Arrasaten ospatu den Mintza Egunera 7 partaide eta teknikaria joan gara. Goizeko 10:00etan Lurraldebus autobusa hartu eta 10:30etarako Arrasaten geunden. Bertan kafetxo bat hartu eta 11etarako Biteri plazan geunden hamarretakoa egiteko prest! Nahiz eta eguraldi ezegonkorra egon, ez zuen euririk egin eta azkenean eguraldi lainotsuari eutsi zion. Hamaiketako bapo jan ondoren, jendea inguratu zenean, txalaparta eta dantzaz gozatzeko aukera izan genuen. Ondoren ibilbide gidatuarekin hasi ginen. Anabel Ugalde historialariak Arrasateko alde zaharrean ibilbide gidatua egin zigun, bertako historiaren pasarte batzuk kontatuz. 

 Ibilbidearen amaiera Seberon, Portaloia abesbatzaz lagunduta abesti batzuk abesteko aukera izan genuen, baita Manex Agirre eta Jokin Labaien bertsolariak entzuteko parada. Bukatzean, Herriko plazara hurbildu eta 270 lagun inguru egon ginen karpa baten azpian bazkaltzen.

Bazkaldu, kafea eta kopa hartu ondoren, sari banaketari ekin zitzaion. Bertan, Euskal Herriko mintzalagunen artean sarituak izaten direnei pina banatzen zaie. Aurten, besteak beste, bergarako bat, Nerea Alzelai izan da saritua urtetan egin duen lana eskertzeko.

Ondoren, 16:30ak inguruan, Kataia talde senegaldarrak dantzan jarri  gintuen. 18:30ak inguruan autobusa hartu eta Bergarara buelta, 19:00ak alderako hemen geunden kantsa kantsa eginda.  

Ibilbidea bukatzean, hau da, 11:30etan Zumaiako San Pedro eliza ikustera joan ginen. Bertako apaizari kanpandorrea ikusteko baimena eskatu eta han igo ginen elizako kanpaiak ikustera eta teilatutik buelta bat ematera. Ondoren berriz kotxea hartu eta Bergararuntz abiatu ginen.

Irteerara Bergarako eta Arrasateko euskaldunak joan ginen batzuk betidanik euskaraz egin dugunak eta beste batzuk ikasi eta hobetzen doazenak. Guztiok giro politean ibili ginen, kafetxoa hartu, kostaldea ezagutu eta baita San Pedro eliza ikusi ere.

Aurten bosgarren aldiz ospatuko da Euskal Herri osoko mintzapraktika programetako kideak batzeko Topagune Euskara Elkarteen Federazioak antolatzen duen Mintza Eguna jai aparta. Aurreneko aldiz Iruñean ospatu zen 2006an, eta ondorengo urteetan Donostiaren, Getxoren eta Gasteizen txanda izan zen. Oraingoan, ordean, gure eskualdeak hartuko du lekukoa. Aurten, Arrasaten ospatuko dugu. Ekainaren 6an Arrasateko Alde Zaharreko kaleak Euskal Herri osoko mintzalagun, berbalagun, mintzakide eta solaskidez beteko dira.

Baina Mintza Eguna ez da besterik gabeko festa bat, helburu zehatzekin sortutako jaia da. Batetik, ospakizun honen bidez mintzapraktika egitasmoen tamaina eta zabalkundea eman nahi dira ezagutzera, era berean, tokian tokiko egitasmoetan parte hartzen duten paratideeei mugimendu bateratu baten kide direla ikusaraziz. Bestetik, mintzapraktikak duen aisialdiko alde ludikoa ere azpimarratu nahi da: mintzalagunek elkar ezagutzeko aukera paregabea baita Mintza Eguna, ikasturteari amaiera goxoa eskeintzeko modu bat.

Horrela, beraz, Arrasaten ospatuko den 5. Mintza Eguna dela eta, ekainaren 6an bazkari erraldoi bat izango da Herriko plaza nagusian. Baina aurretik, ongi etorria eta hamarretakoa egingo dugu kanpotik datozen  berbalagunekin. Ondoren, kalejira animatua ere izango da, Alde Zaharreko txoko bitxien inguruan azalpenak emango dituzten bitartean; eta azkenik, bazkari ostean, Kataia talde senegaldarraren kontzertua egingo da.

Ahaztu gabe, umorea, giroa, alaitasuna, betiko lagunak zein lagun berriak, Euskara eta ondo pasatzeko gainerako osagaiak ere bertan egongo direla. Beraz, animatu eta parte hartu, hori da egin behar den gauza bakarra.

Bestalde, atxikita bidaltzen dizuet Mintza Egunaren esku orria.

Azkenik, ziurrenik Eibar, Arrasate eta Bergara artean autobusa antolatuko da bertara hurbiltzeko, interesa duenak izen ematea zabalik dago.

EGITARAUA

11:00etan: Ongi etorria eta hamaiketakoa Biteri plazan

12:00etan: Ibilbide gidatua

13:30etan: Kalejira

14:30etan: Bazkaria Herriko plazan

15:30etan: Sari banaketa

16:00etan: Erromeria Kataia taldearekin

BAZKARIKO XEHETASUNAK:

Bazkari txartelaren prezioa 20€-koa da.

Menua: Patea, Paella, oilasko “pilotak” eta solomoa, postrea, kafea + Kopa + Erromeria.

Izen ematea: Jardunen maiatzaren 21 baino lehen.

• Tel. 943763661
• jardunkultura@topagunea.com

Datorren maiatzak 8rako Zumaiara irteera egingo dugu Berriketanetik. 9:30ak inguruan zumaian gelditu eta Algorri interpretazio zentroa ikusiko dugu. Algorri, ingurumen heziketarako beharrezko azpiegiturak dituen natur zentro modernoa da, hala nola, ikus entzutezko gela, langela, liburutegia, erakustaretoa...etab., eta hau guztia naturgunetik oso gertu.

Ondoren gia bat lagun dugularik ordu eta erdi inguruko ibilbide gidatua egingo dugu Zumaiako flisch-en inguruan. Zumaiako Flysch-a munduko azaleramendurik garrantzitsu eta ikusgarrienetariko bat da duda barik. Lurraren historia irakur daitekeen liburu ireki bat da. Irteerak modu oso didaktikoan K/T muga, aldaketa klimatikoak, Pirineoen altxatzea...etab. erakusten ditu.

IRTEERA EGUNA: Maiatzak 8, larunbata.

Informazioa gehiago JARDUNen.Anima zaitez! Gure kostaldea ezagutzera!

Nahikoa afaldu eta edan ondoren 00:30ak inguruan autobusa hartu eta bakoitza bere herrira joan zen. Ondoren... bakoitzak daki! 

Bisita oso interesgarria izan da eta Jesus Mari Garitano gidari ezin hobea, bai emandako informazioaren kantitate eta kalitateagatik eta bai azaltzeko moduagatik. Oso ondo azaldu baititu Bergara eta Santa Marina Parrokiaren inguruko kontuak.  Benetan merezi izan du gure herriko altxor hau bisitatzea, gure historiaren zati garrantzitsu bat baita. 

Dagoeneko iritsi da sagardotegi sasoia eta aurten ere, jende gehien erakartzen duen irteera gastronomikoa antolatu dugu. Beste urte batzuetan bezala, Arrasateko zahar berri, Arrasateko Erdu - AEK eta  Arrasate zein Bergarako udal euskaltegiekin batera joango gara. Aurten Tolosako Isastegira sagardotegira joango gara.

Eusko Jaurlaritzako Hizkuntza Politikarako Sailburuordetzak, Topagunearekin eta AEK-rekin batera, mintzapraktika egitasmoen eraginkortasuna neurtzeko inkesta jarri du abian. Ikerketaren helburua esperientzia hau zabaldu eta hobetezko informazio baliagarria eskuratzea da.

Ikerketa egitea AZTIKER ikerguneari egokitu zaio. Aztikerren vendarte ikerketen arloan ari dira lanean. Orain arte, zenbait aditurekin elkarrizketak izan dituzte gaiari lehen hurbilpena egiteko, eta eztabaida talde bana egin dute honen inguruan, Arrasaten, Atarrabian eta Santurtzin.

Azaroaren 16tik aurrera, mintzapraktiketan ari zareten lagun gustillo inkesta egingo dizuete. Gure eskaintza hobetzeko eta zabaltzeko, ezinbestekoa iruditzen zaigu zuen iritziak eta balorazioa ezagutzea. Horregatik eskatzen dizuegu 10 minutuko tartea artesa galdesorta betetzeko; zuen laguntza benetan estimatua izango da! Gogoan izan, zenbat eta iritis gehiago jaso, Orduan eta fidagarriagoak izango direla emaitzak.

Galdesorta betetzen duzuen guztiok zozketa batean parte hartuko duzue. Erne gero, zeren zozketan irabazle suertatuz gero, talde osoa eta egitasmoko dinamizatzailea ere izango baitira sarituak. Aukeran izango duzue afaria edo aste bukaerako egonaldia. Zorte on!