Nire begietatik

Atzo gure lagun batek hankako atzamar bat bihurritu zuen eta anbulatoriotik Gurutzetara bidali zuten. Deitu gintuen eta sutan zegoen. Ez dakit zenbat denbora itxaroten eta joango zela.

Erabaki genuen hara joatea, behintzat bakarrik ez egoteko. Larrialdietara sartu eta itsututa geratu nintzen. Gure herriko taberna bat ematen zuen. Telebista bat piztuta eta denak partidua ikusten. Danak zarataka, oihuka, txaloka,... Bakarrik falta zen kañak botatzeko aparatu bat!

Medikuak eta erizainak noizean behin sartzen ziren telebistari begiradatxu bat botatzera. Onena izan zen mediku bat telebista aurrean jarri zenean, gaixo guztiak itxaroten zeuden bitartean (tartean apendizitis kasu bat, gizon bat burutik odoletan,...).

Partidua bukatu eta minutu batera hogei gaixo deitu zituzten. Koño! La Rojak irabazi zuenez gogoak zeuden lan egiteko!

Hau al da Osakidetzaren profesionaltasuna? Orain ulertzen dut zergatik daukadan Igualatorioa...

Garbiketa egiten dabiltza aitite eta amomaren etxean. Orain ulertzen dut zergatik gordetzen ditudan hainbeste gauza, genetikoa dela esango nuke.

Gauza pila aurkitu ditugu: argazkiak, liburuak,... Baina gaur, apurtxu bat hunkitu naiz. Mezan irakurtzeko liburu bat ekarri du amak eta horrekin batera, orain urte asko asko nik egindako marrazkiak. Inoiz ez naiz marrazkilari ona izan, egia esateko, ez zitzaidan gustatzen marraztea.

Baina hunkitu naiz, hainbeste urte pasatuta, gordeta eduki izana. Azken batean, bere iloba Nahikarik egiten zuen guztia, oso ondo zegoen. Badakizue, objektiboki pentsatuta.

Denetarik esperimentatu eta frogatu dute nire hankan. Bi operazio txarto eginak eta nola ez, orain ondorioak sufritu behar ditut.

Azken hilabeteetan mina jasanezina da. Txarto izan dudanetik bizitza normala egiten saiatu naiz, gaztea naiz pentsatzeko zer egin behar dudan eta zer ez. Baina gehiegizkoa da.

Orain hiru urte, ondas de choques delakoak eman zizkidaten eta oso ondo geratuko nintzela. Dirutza ordaindu eta gero kaka, berdin edo txarrago.

Ebakuntza saihestu behar dut, gehien bat ez nagoelako prest berriro hortik igarotzeko. Bi ebakuntza hankan, nahikoa da.

Beste aukera bat eman didate: tratamendu bat zelula amekin. Besotik aterako didate odola, zelula amak atera eta zelula horiek Akileseko tendoian sartuko didate. Suposatzen da tendoia onera ekarriko du. 210 € sesio bakoitza.

Zer gertatuko den? Ez dakit...

1) Banku honek baditu                      2) "Kontuz ibil zaitezte,
    hamaika istori,                                  ez harririk bota!"
    hemen batzen baitziren                      amak botatzen zigun
    Ramon ta Bitori.                                gehienetan bronka.
    Elkar maite zutela                              Nork urrunago bota
    ez esan inori...                                   hori zen erronka!
    Ondo gorde ezazu                             Korrika irtetzen ginen
    sekretutxo hori,                                 baten bati jota,
    bertan eman zituzten                          banku honek jasan ditu
    muxu bat edo bi...                             hamaika borroka.

                                     3) Orain bankua dute
                                         ahaztua zeharo,
                                         gizartea aldatu da
                                         hori argi dago.
                                         Txatetik ligatzea
                                         ei da errazago,
                                         Denborapasarako
                                         zinema nahiago.
                                         Bankuak iraungo du
                                         denboran luzaro?

                                Nahikari Ayo (UK aldizkaria, 174.zenbakia)

"Zergatik hautatu zenuen irakasle izatea?" Galdera ona gaur ikasle batek egin didana... Jakingo banu erantzuna... Halare, berak zerrendatxu negatibo bat bota dit:

- Ikasleak jasan behar dira.
- Askotan ez dute kasurik egiten.
- Malaletxean ateratzen zara egunero.
- Gogoak kentzen zaizkizu seme-alabak izateko.
-...

Eskerrak 11 urte dituen. Zergatik sartu nintzen honetan? Kasualitatez, baina ez naiz damutzen, nahiz eta eskoletatik ateratzen naizenean gogoak izan baten bat akatzeko.

Nekatua egongo naiz? Pazientzia gutxiago izango dut? Umeak gorrotatuko ditut?

Ez dakit, ez dakit, ez dakit... Baina azkenaldian, edozergatik jartzen naiz sutan. Nekatuta altzatzen naiz eta nekatuta oheratzen naiz. Bitamina falta? Pharmaton hartzen hasi beharko dut?

Lehen edozer jasateko prest nengoen (nahiz eta pila bat kexatu), edozein saltsatan ematen nuen izena,... Orain, aldiz, asteburua heltzen da eta lur jota nago. Ez dut parrandarik botatzen, eta nekatuta nago.

Mmmmm! Agian bainuetxe batera joan beharko dut? Yoga? Proposamenik?

Atzo bukatu zitzaizkidan oporrak. Badakit zorteduna naizela Paskua Astea ere gozatu dezakedalako, baina astelehenean berriro hasten naizela pentsatzeak... ikaratzen nau! Ommm... pazientzia!

Zaragoza, Girona eta Bartzelona. Hantxe ibili naiz konpainia paregabean. Ez genekiela nora joan eta Catalunya aldera egin genuen alde, Aragoan egun bat pasatuz. Bide batez, Zaragozatik gehiago espero nuen. Agian euriaren errua izan zen, baina ez zitzaidan gustatu. Hori bai, poteoa egiteko kale ederrak ditu. Euskaldunok eta poteoa...

Lagun batzuen etxean egon gara, Cerdanyolan, gertuko herri/hiri batean. Bartzelonak harrapatu nau. Ez dakit zer daukan hiri horrek, baina joaten naizen bakoitzean maiteminduago bueltatzen naiz.

Bartzelonara joateko kotxea gerturatzen genuen tren geltokira eta handik lasai-lasai joaten ginen. Tren geltokia unibertsitateakoa zen, Bartzelonako Unibertsitate Autonomokoa. Egia esateko, gogoak ematen dizkit bertara joatea ikastera. Dena oso ondo antolatuta dagoela ematen du: fakultate pila, autobusak, ikasleak, tabernak, liburutegiak 24 ordu irekita,...

Eta Bartzelona... Bartzelona da! Ramblak, auzo Gotikoa, Boqueria, Gaudí, bertako jendea, bizikletak, ikasleak, atzerritarrak, mordernotasuna, katalana,... Inbiria ematen du nola erabiltzen duten katalana, edozertarako, eguneroko hizkuntza da. Menua bi hizkuntzetan ematen dizute: katalanez eta erderaz. Lehen hitza katalana izaten da. Asko daukagu ikasteko.

Laster bueltatuko naiz.

Gaurko egun batez...

... 1482an, Tomás Torquemada Espainiako inkisidore izendatu zuten.
... 1851an, Verdik "Rigoletto" obra estrenatu zuen.
... 1931an, Paulino Uzkudun boxeolariak Kennedy kaliforniarraren  aurkako konbatea irabazi zuen.
... 1978an, Adolfo Suarezek, amnistia totala onartzen du.
... 2004an, Madrilek ekintza terroristarik larriena jasotzen du.
... 1982an, amak Bilboko klinika batean munduratu ninduen.

Ostegunetan Geroan ematen ditut eskolak, 5.mailan. Aspalditik dabiltza zentru desberdinetako irakasleak arbel digitala nola erabiltzen den ikasten. Irakasleak ikasle!

Gaur bertan erakutsi didate apurtxu bat nola erabiltzen den. Egia esateko, aukera asko ditu eta oso interaktiboa da. Bideoak, power pointak, audioak,...

Aurrerago erabiltzen ikasiko dut, aztertuko ditut zer nolako aukerak ditudan, eta nik ditudan baliabideak bertan txertatzea. Printzipioz, inbentoa nahikotxo gustatu zait.

LH 5-6 eta DBH 1ean ematen ditut eskolak. Pasa den astetik aurrera, ematen du geografia politikoa eta fisikoa ikasten hasi direla. Gela guztiak mapaz beteta daude: mendiak, ibaiak, lurmuturrak, itsasoak, hiriburuak, herriak,...

Geletan ikusi dudan mapa, ez da nire mapa. EAEko mapa politikoa daukate. Bizkaia, Gipuzkoa eta Araba. Herrialdeak falta zaizkio: Nafarroa, Lapurdi, Nafarroa Behera eta Zuberoa.

Zergatik kakazten ditugu umeak? Batzuk ez dakite Euskadikoak diren, Euskal Herrikoak, edo ez dakit nongoak...

Benetan tristetu nau horrelakoak ikusi beharra. Nik gelan, Euskal Herriko mapa neukan. Agian urte batzuk barru, Espainiako zintzilikatuko dute Euskal Herriko eskoletan.