Baionako barraraino

Mezu hau helarazi dit blog honetako irakurle batek. Eskertzen diot gogoeta, eta ea zerbait eraikitzea lortzen dugun… "Egun pasa, igande honetan Iparraldera joan nahi genuke baina...muga haundia daukagu harat joaterakoan: hizkuntza dugu muga. Egia errateko, hizkuntzak BATU egin beharko ginduzke, euskarak. Joanen ginateke, adibidez, Garazira joanen ginateke gustora. Garazi: polita, ederra, historikoa..., bainan han bazkaltzerakoan, edo hau edo hura galdetzerakoan, geuk frantsesez ez dakigu...lotsa; MUGA. Ez da zaila bada muga hori xahutzea, eta harreman pertsonalak/afektiboak ezik, harreman komertzialak ere hastea.Inork inor jan gabe, inor inoren morroi izatera eskatu gabe. Edo Iparraldeko komertzioei ez al zaio interesatzen hegoaldeko jendea bezero ??.Hegoaldekoei bai iparraldekoak. Gure ustetan, IPARRA-HEGOAren presazko lan bat izanen litzateke ahalbideratzea zera hau: sare bat, euskaraz dakiten ostatu/jatetxe/komertzioen zerrenda eta kokalekua, sarea. Hau da: Garazira goaz eta bazkaria euskaraz non zerbitzatuko gaituzten jakinaren gainean goaz,menua ulertuko dugu lasai, edo turismo bulegoan euskaldunik badagoen jakinik, edo zein komertziotan erosketa batzuk egin, edo zein hoteletan ostatu hartu (nahiz eta hotelak oso garestiak izan ohi diren "Frantzian"). Iruñera, edo Baionara, edo Kakuetara, edo XUBEROARA !!, bisitatzera "inor gutti ausartzen den Zuberoa", hain ederra, eta Errioxara nahiago, hizkuntzarengatik. Lan erraza, poliki-poliki egiteko lana, sakona, gure artekoa... Harritzen nau, honelako sare bat honez gero bideratuta ez egotea harritzen nau. Egonen da !!.Non ?. Horratx bada gure iritzia, bapatean botatakoa, bapatean bai baina hauniztan burutan ibilitakoa. Zer diozue ?. Antton"