Atauri

Gatzagarrak hesiak berritzen auzolenean

joxefe — Tue, 22 May 2012 08:56:57 +0200

Aurreko batean esan bezala bizirik dirau auzolanak Leintz-Gatzagan. Izan ere, herriko hainbat itxitura eta hesi berritzeari ekin diote, auzolanean ekin ere. Hori dela eta, duela aste batzuk esolak prestatu zituzten eta orain hesiak berritzen hasiak dira. Orain dela 25 urte auzolanean egindako hesia berritzen ageri dira gatzagarrak, Okondoko baserri ondoan ateratako argazkiotan.

Garagardo dastaketa Kajoin

joxefe — Tue, 15 May 2012 08:00:34 +0200

Joan den ostiralean, maiatzak 11, garagardo dastaketa izan zen Arrasateko Kajoi tabernan. Afflingem garagardoa dastatzeko aukera izan genuen.

XI. mendean hasi zen egiten Afflingem garagardoa Flandesko abadia batean. Beraz, tradizio handia daukan garagardoa da. Gaur egun, abadian bertan egiten ez bada ere, abadiako garagardo izendapena dauka, hau da, tradizioari loturiko goi mailako izendapena. Izan ere, Belgikan 2.000 garagardo inguru egiten badira ere, 12k baino ez dute abadia izendapena.

Ostiralean Afflingem markako hiru garagardo dastatu genituen: blonde, dubbel eta tripel. Zein baino zein gozoagoa.

Hemen duzu Afflingem garagardoaren dastaketako argazki sorta.

Gatzagarrak auzolanean

joxefe — Thu, 03 May 2012 08:53:36 +0200

Bizirik dirau auzoalanak Leintz-Gatzagan. Lehengo ohiturari eutsiz, gatzagarrak auzolanean egiten dituzte hainbat lan. Hona hemen Okondoko baserrian olesiak auzolanean egiten ateratako argazkiak.

Aloñamendiko ibilaldiak: Errazkin-Madoz

joxefe — Wed, 25 Apr 2012 08:19:54 +0200

Hemen dituzu Oñatiko Aloñamendi elkarteak joan den igandean Errazkinetik Madozera antolatutako ibilaldiko argazkiak.

HUHEZI 2012

joxefe — Tue, 13 Mar 2012 08:21:58 +0100

Atzo arratsaldean Iker Aizkorbe eta biok Eskoriatzan izan gara, Mondragon Unibertsitateko Humanitate eta Hezkuntza Zientzien Fakultatean, Joxe Aranzabal irakasleak (laguna ere badela esan beharra daukat) gonbidatuta. Flickr-en gainean hitz egin dugu, flickr plataformaren erabiltzaile garen aldetik. Saioan ikasleek argazkiak atera dizkigute, bai eta nik ere beraiei. Argazki ateratze partekatua izan da. Saioa polita izan da.

Hemen dituzu HUHEZIko argazkiak.

Irati

joxefe — Sun, 26 Feb 2012 20:31:47 +0100

Hemen dituzu aurten Irati eta Zaraitzu aldean ateratako hainbat argazki.

Negu giroa

joxefe — Mon, 20 Feb 2012 08:58:58 +0100

Hemen dituzu negu giroko argazki batzuk.

Santa Ageda bezpera Arrasaten

joxefe — Mon, 06 Feb 2012 09:17:18 +0100

Ohiturari jarraituz, larunbatean kantuan eta eskean aritu ziren Arrasateko koruak, Santa Ageda bezpera zela eta. San Juan parrokian meza entzun eta bi taldetan banatu ziren. Talde bat San Andres eta Bedoña aldera joan zen eta bestea Zigarrolara. Eguerdi aldera Udaletxean elkartu ziren. Bazkalostean, kalez kale irten ziren berriro eta iluntzean Herriko plaza nagusian amaitu zuten.

Hemen dituzu aurten Santa Ageda bezperan Zigarrolan ateratako argazkiak. Hemen, berriz, orain dela bi urte Bedoñan ateratakoak.

Kataide txakolinaren aurkezpena

joxefe — Mon, 23 Jan 2012 08:48:52 +0100

Atzo, hilak 22, Kataide txakolina aurkeztu zuen Jabier Arregik Bergarako Parteitti auzoan. Izan ere, aspaldi honetan San Bizente jaia dela eta, urteko txakolina dastatu eta jai giroan biltzen dira auzo horretako bizilagunak.

Hemen dituzu Kataide txakolinaren aurkezpeneko argazkiak.

Hostoak ikuskizunaren arrakasta Arrasaten

joxefe — Mon, 19 Dec 2011 08:36:57 +0100

Oreka TX, Kukai Dantza Konpainia eta Amaren Alabak taldeek elkarlanean sortutako ikuskizuna izan zen larunbatean Arrasaten, bai eta arrakasta lortu ere. Izan ere, oso harrera beroa egin zioten hasieratik ere Amaia Antzokiko ikusleek.

Iraganean oinarrituz etorkizunari begira dagoen ikusgarria da Hostoak, euskal kultura tradizionalean sustraitutako ikuskizun moderno, original, bizi eta koloretsua. Musikak, dantzak, ahotsak eta irudiek bat egiten dute Hostoak ikuskizunean.

Amaia Antzokia gainezka bete zen larunbatean, ikusle asko hurbildu ziren eta. Emanaldi atseginaz gozatu zuten eta bukaeran txalo ugari eskaini zizkieten eszenatokiaren gainean bildutako artista guztiei.

Hemen dituzu Hostoak ikuskizuneko argazki bilduma.