Atauri

Oreka TX, Kukai Dantza Konpainia eta Amaren Alabak taldeek elkarlanean sortutako ikuskizuna izan zen larunbatean Arrasaten, bai eta arrakasta lortu ere. Izan ere, oso harrera beroa egin zioten hasieratik ere Amaia Antzokiko ikusleek.

Iraganean oinarrituz etorkizunari begira dagoen ikusgarria da Hostoak, euskal kultura tradizionalean sustraitutako ikuskizun moderno, original, bizi eta koloretsua. Musikak, dantzak, ahotsak eta irudiek bat egiten dute Hostoak ikuskizunean.

Amaia Antzokia gainezka bete zen larunbatean, ikusle asko hurbildu ziren eta. Emanaldi atseginaz gozatu zuten eta bukaeran txalo ugari eskaini zizkieten eszenatokiaren gainean bildutako artista guztiei.

Hemen dituzu Hostoak ikuskizuneko argazki bilduma.

Joan den igandean Ruper Ordorikak Hodeien azpian bere azken diskoa aurkeztu zuen Elgetan, bikain aurkeztu ere. Aurreko diskoa aurkezten lagundu zion taldearekin aritu zen: Hasier Oleaga, Lutxo Neira eta Arkaitz Miner

Gure bailarako entzuleak nagusi baziren ere, Elgeta eta Durangotik etorritako entzule ugari zegoen.  Tartean musikari asko zegoen bai Arrasatekoak zein Oñatikoak. Jarraitzaile sutsuak aurkitu zituen Ruperrrek Elgetan. Berak ere hala abestu zuen.

Ruperren aurretik Joseba Irazoki musikari beratarra aritu zen, bakarka aritu ere. Bestalde, kontzertuko azken abestietan Ruperrekin bater jo zuen.

Hemen dituzu Ruper Ordorikaren kontzertuko argazkiak.

Azaroaren 25ean folk eta countryren gaua izan zen Arrasaten, Izan ere, gau horretan Petti musikari beratarrak eta Lac La Belle talde estatubatuarrak Arrasateko Amaia antzokiko atondoan jo zuten, Gaztemaniak! programaren barruan.

Petti eta Xabi batera aritzuko zirela iragarrita bazegoen ere, azkenean Pettik bakarrik jo zuen. Emanaldiaren bigarren partean, ordea, Andoni Zubiagak eta Eñaut Zubizarretak lagundu zioten.

Pettiren ostean, Lac La Belle talde estatubatuarra aritu zen. AEBko country eta folk doinuak eskaini zuen.

Arrakasta handia izan du aurten ere Izaskun Murgia elkarte lirikoaren 'La Revoltosa' zarzuelak. Urtero moduan lau emanaldi esakini dira eta lauretan ere Arrasateko Amaia antzokia lepo bete da.

Hemen duzu La revoltosa zarzuelako argazki bilduma.

Joan den igandean, azaroak 13, San Milixan feria izan zen Gatzagan. Aurten, urtero moduan, artisauen feria izan zen eta, Gatzagako Sorginak emakume-taldeak taloak egin zituen.

Bestalde, pilota leku aurrean sagar jotzea antolatu zuten bertako sagardogileek. Gatzagan bertan batutako sagarrak erabili zituzten. Sagardo-pittera eskaini zioten jendeari eta, gainera, sagar zukuarekin kupel bat bete zuten. Apiril aldera edango dute gatzagarrek kupeleko sagardoa.

Hemen duzu Gatzagako sagar jotzeko argazki bilduma.

Oierrek 11 urte bete ditu gaur, azaroak 11. Urteak betetzea ez da aparteko zerbait. Oierrek, ordea, 11-11-11n bete ditu 11 urte eta bera da Arrasaten egun horretan jaio zen ume bakarra. Hori dela eta, hona hemen 11 argazki, bere urtebetetze egunean atera eta internetera igotakoak. Zorionak, Oier!

Oinatz. Mungiako lehoikumea. Hala nahiko luke, behitzat, bere aititak. Oraindik, baina, katutxo bat baino ez da.

Hemen duzu Oinatzen argazki sorta bat.

 

Gure bailaran gero eta mahasti gehiago dago. Duela gutxi arte, Araba edo Nafarroa aldera joan beharra zegoen mahastiak ikusteko edo, bestela, kosta aldera, Getaria aldera.

Aspaldi honetan, ordea, baserritar askok landatu dituzte mahastiak Debagoienean. Arrasaten, esaterako, Artazubiagako Felix Etxagibelek eta Egi-Haundiko Jabier Arregik egiten dute txakolina, Getariako jatorri izendapenarekin, eta Oñatin, Juan Zelaiak. Hirurok ere Getariako txakolinaren jatorri izendapena lortu dute.

Bailarako ia herri guztietan daude mahastiak. Leintz-Gatzagan sail txiki bat landatu du Asier Ugartek Etxebarri baserrian, 500 bat metrora. Oñatin, bost baserritan; Arrasaten, hirutan. Angiozarren ere badaude.

Noiztik egiten da, baina, mahatsa Debagoienean? Aspalditik bai, behintzat. Izan ere, Oñatiko Murgialdai baserriak XIX. mendean mahasti bat zeukan etxe ondoan. Denboraz mahastia kendu eta inork hura gogoan ez zuela, hara non agertu den baserriko argazki zahar baten mahastia! Gauza da duela urte batzuetatik hona Murgialdai baserrian txakolin mahasti berriak landatu dituztela, hiru bat hektarea guztira. Oraindik ez dute bertan txakolinik egiten, baina aurrerantzean egiteko asmotan dira.

Hemen duzu Murgialdai baserrian aurten egindako mahats bilketako argazki sorta.

 

Aurten Maritxu Kajoi egunean argazki asko atera nituela eta, bi argazki sorta prestatu ditut. Hemen duzu, bada, Maritxu Kajoiko bigarren argazki bilduma. On dagizula!