Udako argazkiak

Udako argazki lehiaketa antolatu du Goienak, zazpigarrenez. Uztailaren 1etik zabalik da argazkiak bidaltzeko epea, eta irailaren 16ra arte bidali ahal izango dira. Aurten ere hiru sari banatuko ditugu. Lehiaketaren lehen saria Bergarako KB Photoestudio etxeak emango du ostera ere: hain justu ere, Panasonic etxeak emandako Lumix DMC G10 argazki-kamera ederra eta  KB Photoestudiok eskaintzen dituen ikastaroetako batean, %50eko deskontu bonoa.
Bigarrenak, Arrasate Bidaien eskutik, bi lagunendako aste bukaerako egonaldia irabaziko du, Kantabrian; eta hirugarrenak Leintz Gatzagako Gure Ametsa jatetxean bi lagunendako bazkari edo afari bikaina lortuko du.

Gehienez, bost argazki

Parte-hartzaile bakoitzak, gehienez, bost argazki aurkeztu ahal izango ditu, eta argazkiarekin batera honakoa adierazi beharko du: egilearen izen-abizenak eta herria, harremanetarako telefonoa, argazkia noiz eta non aterata den, eta baita zer edo nortzuk agertzen diren ere.
Paperean edo digitalizatuta aurkezteko aukera dago; hori bai, digitalizatuta bidaliz gero, paperean ondo erreproduzitzeko adinako bereizmena izan beharko du. Udako argazkiak aurkeztuko dituzte parte-hartzaileek, aurtengo udan edo aurreko baten ateratakoak.

Argazkiak eta datuak argazkiak@goiena.com helbidera bidali beharko dira, edo Goienaren egoitzaren batera eraman: hain justu ere, Arrasaten, Otalora Lizentziaduna 31; eta Aretxabaetan, Basabe poligonoko EO5 edo Durana kalea 11 (2. solairu- ra). Egoitzara eramaterakoan, kartazal baten sartuta, CD baten edo argazki digitalak gordetzeko beste edozein euskarritan eta JPG formatuan aurkeztu beharko dira.
Lehiaketan parte hartzeaga- tik ez da ezer ordaindu beharko, eta Debagoieneko edozeinek parte hartu ahal izango du. Irudiei dagokienez, beste inon argitara- gabeak izango dira, eta zuri-beltzean zein koloreetan bidali ahal izango dira.

Uztailaren erdialdetik aurrera

Argazkiak astero argitaratuko ditugu, uztailaren erdialdetik aurrera, Asteleheneko Goiena paperean eta  fotoblog honetan. Goiena telebistan ere erakutsiko dira jasotzen ditugun argazkiok. Dena dela, jasotako erretratu guztiak argitaratzerik ez badago, Goienak aukeraketa egingo du, egokien iruditzen zaizkion irizpideen arabera.

Irabazleak urriaren 3an

Epaimahaia Goienako kide eta bailarako argazkilari profesionalekin osatuta egongo da, eta argazkiaren kalitatea, originaltasuna eta balio historikoa hartuko dituzte kontuan. Irabazleak urriaren 3an jakinara- ziko ditugu Asteleheneko Goiena paperean. Jasotako argazkiak Goienako artxiboan gordeko dira.