Albegetxo komertziala

Aurten ere gure martiria koplatuko dugu. Urtero lez, otsailaren 4an Algortako kaleetan zehar abestuko dugu.

Martitzenean, otsailak 1, entsaiatzeko azken aukera izango duzu. 20.00etan, Aldai Patronatuan.

Animatu zaitezte!

Argazkia: www.ukberri.net

ALBE IRRATIAN dituzue entzungai Ahobien Galan Trino Azkoitia eta Joseba Santxori Ahobia eta makila ematean entzun genituen bertsoak, bai eskolakideenak eta baita Joseba eta Trinorenak ere.

ALBE IRRATIAren atal honetan eskolaren inguruko erreportaiak aurkituko dituzue. Historia, klaseak, txapelketak, jaiak... garaiaren araberako kontakizunak.

Abenduaren 13an Ahobien Gala ospatu genuen, eta bertan gure esker ona adierazi genien Trino Azkoitia eta Joseba Santxori eskolaren sorkuntzan eta ibilbidean egindako lanagatik. Aukera polita, beraz, lehen erreportaia hau Joseba eta Trinori buruz egiteko: eurei buruzko deskribapenak, eskolako kideek eurekin bizitako une aipagarriak... Gustatuko zaizuelakoan...

Zein sentsazio geratu zaizkio Jone Uriari Bizkaiko Bertsolari Txapelketako finalean lehen aldiz kantatu eta gero? Nola aldatu da bere bizitza? Bertsolaritzaz gain, zerk betetzen du Joneren egunerokoa? Zer da esnatzean egiten duen lehen gauza? Galdera hauen erantzuna jakin nahi baduzue, ALBE IRRATIAN Joneri urtarrilean egindako elkarrizketa aurkituko duzue! Gure "Estekak" atalean ALBE IRRATIA-ri eman eta podcast-a aurkituko duzue!

Gaurtik aurrera, ALBE-k podcast-ak igotzeko orria ere badauka! Elkarrizketak, iragarkiak, erreportaiak... Bisita ezazu!

Urrian eman zitzaion hasiera Bizkaiko Txapelketari. Saioz saio ibili gara Bizkaiko geografian zehar, eta azkenik finala heldu da. ALBEtik zazpi bertsolarik hasi zuten ibilbidea eta bakar batek lortu du finalerako txartela: Jone Uria. Algortarraren lehenengo finala izango da. Honako bertsolari hauek izango ditu kantukide: Onintza Enbeita, Miren Amuriza, Beñat Ugartetxea, Etxahun Lekue, Eneko Abasolo "Abarkas", Arkaitz Estiballes eta Peio Ormazabal.

Bihar hantxe egongo gara Jone animatzen. Bi hitzordu dituzue:

- 12etan Bilboko Unamuno plazan. Bertso-triki poteoa egingo dugu Alde Zaharreko kaleetan zehar.

- 15.30etan BEC-eko atean.

                

Eguuuuuuurrraaaaaaa Jone!!!

Motorrak berotu nahi dituzula larunbateko finalerako? Aukera ezin hobea daukazu ostiral honetan Erandion. Urtero bezala, bertso jira antolatu dute Berbotseko lagunek.

Fredi Paia eta Aitor Sarriegi izango dira kantuan. Roberto eta Kepak doinuz alaituko dituzte Erandioko tabernak.

Zita, ostiralean, 20.00etan La Plaza tarbernan!

Tarifak

Goiko banner handia	Banner handia (250x200 pixel)	Banner txikia (240x60 pixel)	Botoiak	Babesleen logoak
3.500 € urteko	2.000 € urteko	1.000 € urteko	500 € urteko	Doan
400 € hileko	250 € hileko	125 € hileko	75 € hileko	Doan
	150 € 15 egun	75 € 15 egun	40 € 15 egun	Doan
	80 € aste bat	40 € aste bat	25 € aste bat	Doan

Bannerra bidaltzeko baldintzak:

Formatuak

• jpg, png, gif, gif bizidunak edo flash

Euskarriak

• Informatikoak: USB memoria, DVD, CD
• albegetxo@gmail.com

Eskaera egin hemen

Kontratazio arauak:

•    Publizitate espazioa hitzartutakoan bezeroak publizitate-agindua sinatua bidaliko du ALBEra.
•    Iragarkiak euskara hutsez eta argitaratzeko moduan bidali behar dira.
•    Iragarkiaren prezioa indarrean dauden tarifen araberakoa izango da eta zenbateko horri BEZ zergaren %16 erantsiko zaio fakturatzean.

2010a bukatzear dago, eta horrekin batera ALBE buru belarri ibili da aspalditik aurtengo Albe Gala prestatzen. Jakingo duzuenez, aurten ALBEk 30 urte betetzen ditu. Eta horregatik, omendu nahi ditugu gure bertso eskolan lan handia egiten duten bi pertsona: Trino Azkoitia eta Joseba Santxo.

Puntako bertsolariak izango ditugu kantuan:

Maialen Lujanbio
Jon Maia
Andoni Egaña
Sustrai Colina

Gala berezia prestatu dugu, sorpresa pila bat egongo dira eta zu bertan egotea nahiko genuke.

Noiz? Abenduaren 12an, igandea.
Non? Algortako Kasinoan.
Zein ordutan? 19.00etan.

ERDU GUREKIN!