Maiatzaren 15ean, Areetako Andrés Isasi Musika Eskolan Bertsolari Gaztetxoen IX. Eguna eta VII. Euskal Eguna ospatu genituen. Getxon hezkuntza arautuan dabiltzan 350 ikaslek parte hartu zuten.
Goizeko 10.30etan hasi ginen eta lehendabiziko ekitaldia ikasleek egun honetarako bertsoak abestea izan zen. Bertsoak abesten zituzten bitartean, aipatzekoa da beste ikasleek emandako txaloak eta animoak.
Abestu ondoren, bertso-jolasei pasatu genien txanda. Horretarako Xabi Paya, Ekhi Erremundegi eta Odei Barroso bertsolarien laguntza izan genuen. Oso ondo sartu ziren jokoetan eta gazteek asko gozatu zuten.
Aurreko post-ean kontatzen dugun bezala, Balendin Txiki III.Bertso-Paper lehiaketako sari-banaketa burutu zen.
Saioan ederto batean pasatu zuten gaztetxoek. Ez zen saio arrunta izan, bertsolariak ume artean ibili ziren: zirikatzen, galderak egiten, kantatzera animatuz...
Jaiari bukaera emateko, bertso-paperak kantatu genituen guztiok batera.
Datorren urtean gehiago eta hobeto!
Erantzunak
Nahikari, oe, bota bertsue!
Ari, ari, ari, Nahikari bertslari!!!!!!!!!!!!!!!
Nork: San Nikolas.2009/05/26 23:26:44.853 GMT+2