Bergara
Bixente Ibarguren hil da Argentinan
Dokumentu Akzioak
Bixente Ibarguren Argentinan hil zen joan den astelehenean, martxoaren 3an, 81 urte zituela. Zaldumendi baserrikoa, 1951n joan zen Argentinara, 25 urterekin. La Plata hiriko Euskal Etxeko presidentea izan zen urtetan.
Argentinan zuen osaba baten bitartez joan zen Bixente Ibarguren La Plata hirira. Soraluzen ikasitako ofizioarekin metalezko eraikuntzan hasi zen lanean, 1998an erretiratu zen arte. 1963. urtean Maria Zarranz-ekin, Marucha-rekin, ezkondu zen eta seme-alabarik izan ez zuten arren, familiarrez eta lagunez inguratuta ederto bizi zela esaten zuen Ibargurenek: “Argentinara etorri nintzen egunetik nire bigarren etxea izan da La Platako Euskal Etxea. Gure ohiturei eusteko eta lagunekin elkartzeko leku ederra da”, esan zigun 2002ko urrian egindako elkarrizketa baten. Hain zuzen ere, Bixente Ibarguren La Platako Euskal Etxeko presidentea izan zen urtetan. Euskal enbaxadore paregabea izan zen. 2004an Etorkin Kutun izendatu zuten La Platan.
Bixente Ibargurenen aldeko meza izango da bihar, zapatua, Bergarako Santa Marina elizan, 19:00etan.
Hemen Argentinako prentsan azaldutako albiste bat eta beste hainbat lotura interesgarri:
Bixente Ibarguren eta Marucha, 2000. urteko apirilean, La Platako etxean. Argazkia handitu
EDU MENDIBILi zuzendutako eskutitza.
Une goiben honetan, asko eskertu dogu.
Bergarako, Bixente Ibargurenen familia.
Jaione.
Besarkata bar Argentinatik
BIxente Argentinan hil da baino eduki izan zuen merezi zuen azken omenaldia eduki du, La Platako euskal etxe aurrean, Ikurrina aurrean eta hemengo lagunok "Agur jaunak" abesten.
Bixente joan da, baino bere Bergara maitiaren zati bat utzi digu.
Bixente gogoan izango zaitugu. Goian Bego.
Zure semebitxia, Iñakitxu