Bergara Albisteak

Bilduren beste 34 herritan atez atekoa

2012-02-22 19:37:43 Eneko Azkarate

Bilduko alkateak dituzten Gipuzkoako 34 udalerritan ezarriko dute atez ateko zaborra batzeko sistema 2013an. Herri horien artean daude Bergara, Oñati (bi horietan lehenengo), Arrasate, Eskoriatza eta Aretxabaleta. Hala eman dute aditzera gaur hedabideen aurrean Donostian. Bergarako eta Oñatiko alkateak, Jesus Elortzak eta Mikel Biainek, hartu dute parte agerraldian. Mikel Biainek eta Lezoko alkate Ainhoa Zabalok eman dituzte azalpenak.

Aretxabaleta Arrasate Bergara Eskoriatza Oñati erantzun 1

Bergara ezagutzen lehiaketa bihar eta etzi DBHko 4.mailako ikasleendako

2012-02-22 18:28:11 Edu Mendibil

Bergarako ikastetxeek, Udalak, Jardunek eta EHBEk aspaldi antolatzen zen 'Bergara ezagutzen' lehiaketari berriz heldu zioten orain dela bi urte. Aurtengoa bihar, eguena, eta etzi egubakoitza, jokatuko da 11:00etatik 13:00etara.

Bergara

Aratusteetako argazkiak

2012-02-22 14:31:30 Eneko Azkarate

ARRASATE

BERGARA

OÑATI

ARETXABALETA

ESKORIATZA

ANTZUOLA

ARAMAIO

ELGETA

LEINTZ GATZAGA

Kultura Antzuola Aramaio Aretxabaleta Arrasate Bergara Elgeta Eskoriatza Leintz Gatzaga Oñati

Haragizko manikia Zubikuan

2012-02-22 10:08:15 Eneko Azkarate

Aratusteek askorako ematen dute. Askotariko irudiak ikusi ditugu oraingo egunotan. Goiena.net-eko argazki galeria da horren adibide. Irudi batzuk ohikoagoak, beste batzuk baino. Gure arreta bereziki piztu duen irudien artean dago Bergaran, Aratuste martitzen iluntzean topatu duguna. Zubikua dendaren erakusleihoan, maniki berezia. Haragizkoa eta berba egiteko gauza ere badena. Bai, hura da: Pello Garitano handia!. Orain, punki; hurrengo, emakume dotore. Artista, berau!

Kultura Bergara

Jose Antonio Agirrebeña, Gipuzkoako elikagaien bankuko arduradunari elkarrizketa (1go zatia)

2012-02-22 08:56:37 Maider Arregi

Ekonomia Bergara Debagoiena

Kopan bizi izandakoa, bizi guztirako

2012-02-21 17:05:56 Xabi Urzelai

Aritz Oiartzabalek eta Alex Patonek, Soraluce BKE saskibaloi taldeko ordezkariek nekez ahaztuko dute egunotan Bartzelonan bizi izandako esperientzia. Jokalari bergararrek Gipuzkoa GBC taldearekin hainbat egun igaro dituzte Bartzelonan, saskibaloi Kopak iraun duen bitartean. Izan ere, nagusien torneoarekin batera talde bakoitzeko ordezkari gaztetxoendako ere txapelketak izan dira. Hala, nagusien partiduak jarraitzeaz batera, kantxan eurak protagonista izatea sekulakoa izan da, jakinda, eurek jokatzen zuten bitartean harmailetan ACBko izar izandako askok gertutik jarraitu zituztela euren partiduak, baita egungo teknikoek ere.

Kirolak Bergara

Irratigintzari buruzko jardunaldia egingo dute Bergaran

2012-02-21 15:22:23 Arantzazu Ezkibel

Irratigintzari buruzko jardunaldia egingo dute zapatuan Txapa irratiaren eskutik. Bihar, eguaztena, izango da izena emateko azken eguna. Interesatuek arrosa.sarea@gmail.com helbidean eman dezakete izena. Egun guztiko jardunaldia egingo dute eta ondoren kontzertuak egingo dituzte: La pop'lla eta Manillares Iturriaga taldeak igoko dira gaztetxeko taula gainera.

Kultura Bergara

Igerilari sinkronizatuak... eta sarituak

2012-02-21 11:32:36 Edu Mendibil

Uretan sartzeko moduko tenperatura egiten ez zuen arren, Bergarako koadrila honek sekulako balentria egin zuen Aratuste-zapatuan. Hotzari aurre eginez, igerilari sinkronizatuek saio polita eskaini zuten kaleetan, ikusleen txalo zaparrada luzea jasota. Igerilekua, gainera, etxetik ekarri zuten. Ez dakigu Londreseko Olinpiadetara iritsiko diren, baina gutxienez Bedelkar dendarien elkarteko saria jaso dute: 260 euro Bergarako taberna eta jatetxeetan gastatzeko.

Bergara

Sagardotegira, eta Reala animatzera

2012-02-21 11:11:31 Xabi Urzelai

Bergarako Erreal-zaleak lagun taldeak irteera antolatu du domekarako, sagardotegira eta Realaren partidua ikustera. Domekan, otsailak 26, jokatuko du Realak Mallorcaren kontra, eta Bergarako lagun taldekoak eztarria ondo bustita joango dira talde txuri-urdina animatzera.

Kirolak Bergara

Udalak mantentze-lanak egingo ditu Arrizuriaga parkean

2012-02-21 10:00:26 Monika Belastegi

Hamar zuhaitz kenduko dituzte ahul daudelako eta apurtzeko arriskuan eta adaburuetako abar lehorrak kendu eta huntzak erretiratuko dituzte. Horrekin batera, orain kenduko diren zuhaitzak era progresiboan ordeztuko dituzte. Datozen asteetan egingo dituzte lanok.

Bergara

Nabigatu euskaraz