Arrasate
Usoa Agirre
2008/05/15 07:57
Preso jarraituko du Ino Galparsorok
Dokumentu Akzioak
Baltasar Garzonek atzera bota du Galparsoro kartzeleratzearen aurka defentsak jarritako helegitea. Kartzelan mantentzea erabaki du epaileak, "EAE-ANVko kide gisa ETA-Batasunaren aginduak jarraitzeko asmoa" duela esanda.
Garzonen autoak dioenez, "zentzurik ez du eta errealitatetik urrun dago esatea EAE-ANVren parte ez dela (...) eta sistematikoki jardun du EAE-ANVren taldeko ordezkari gisa, alderdiaren jarduera eten baino lehen eta ondoren."
"Talde terroristarekin kolaborazioa" eta "EAE-ANVren jarduera etetzeko agindua urratzea" egozteaz gain, "talde terroristako kide" izatea ere egotzi diezaioke Garzonek Galparsorori, "ETA-Batasunarekiko EAE/ANVren sumisioa frogatzen duten zantzuak baieztatzen eta gehitzen jarraitzen badute."
Gara.net-en duzue Garzonen autoa osorik.
