Manifestazio amaieran Xabier Zubizarretak hartu du hitza eta herritarren elkartasuna eskertu ostean, esan du "Ez daukagu kontatzen ibili beharrik Inok zenbat ordu, zenbat elkarrizketa, zenbat bilera , zenbat ahalegin , zenbat buruhauste izan duen eta zenbat esker on eta errekonozimendu jaso duen arrasatearren alde eta arrasatearrengandik. Udalgintza eta herrigintza izan dira bere lanak. Eta jalkin dezaten indarrez eraman dutenek berak jarraitzen duela gure alkate izaten".
Gaineratu du, "Arrasateko herritarren elkarbizitzari eta arazoei konponbidea bilatzen saiatuko garela hemendik aurrera ere. Kartzelan sartu duten arren gure alkatea izaten jarraituko du. Ezker abertzaleko zinegotziak zazpi izango dira, ez sei, baten batek esan duen moduan. Inok bere ibilbide eta lanarengatik herritarren babesa jaso zuen eta orain are eta gehiago. Ino arrasatearron ordezkari instituzionala da . Horregatik eskatzen dugu berehalako bere askatasuna".

Arantxa Urkaregik lekukoa hartu du jendaurrean eta esan du "Ino kartzelara eraman duen erabakia ez da judiziala izan , nahiz eta horrela mozorrotu. Erabaki hau politikoa izan da. Madrilgo Gobernuak PSOEk hartutako erabaki guztiz politikoa. Negoziazio prozesua apurtu zenetik PSOEk egindako hautua argia da: Ezkerreko proiektu independentista desagerraraztea. Legez kanporatzeak, atxiloketak, kartzelaratzeak, amaigabeko kate errepresiboaren urratsak dira eta ikusi dugunez, gerra zibilean bezalaxe herriak aukeraturiko alkatea espetxeratzeko gai ere badira. Jauzi kualitatibo eskandalagarria eman dute, Europan parekorik ez duena".
Gaineratu du "ezker abertzalearen kontrako eraso honetan PSOE ez dago bakarrik, oso lagun leiala aurkitu du PNVrengan".