EAJko Gipuzku Buru Batzarrak gaitzetsi egin du Apraitzen automobilari egindako erasoa. Hiru puntutan zera aditzera eman gura dute jeltzaleek:

1. Bere gaitzespena adierazten du, eta halaber, Luis Mari Apraitzi gure elkartasuna adierazteaz gain, ekintza politikoa gidatu behar duten balore etikoak duintasunez defendatzeagatik, eskerrak ematen dizkiogu.

2. Horrelako ekintzak burutzen dituztenek, kaltea eta egonezina sortu sortuko dute, baina ez daukate euskal herritartasunaren gehiengoa isiltzeko eta garbitzeko adina gasolina. Arrasaten ere, ekintza politikorako, bake eszenatokia eta derrigortzeen eta indarkeriaren uztea eskatzen denean.

3. Egoera politiko hau, elkarrizketa eta negoziazioaren bidetik desblokeatu beharraren premia berresten dugu, non gaur gaitzestsen ditugun bezalako ekintzek ez duten ezertan laguntzen bake eta normalizazio eszenatokiak lortzen.

Gipuzkoako PSE-EEk gaitzetsi egin du ohar baten bidez ‘EAJko Arrasateko zinegotziak jasandako erasoa’. Arrasateko sozialisten bozeramaileak gaitzetsi egin du ‘daudenik eta terminorik gogorrenetan’ bart geratutako “atentatua”. Erasoa ‘Arrasateko herriaren ordezkariak izuarazteko ekintza’ moduan agertu du eta ezker abertzaleari zuzenean egiten dio galde ea “hori den hainbeste aldarrikatzen duten demokrazia: mehatxuan, autoak erretzean, garondoan tiro egitean eta bonbetan oinarritzen dena”. Prentsa oharrean Paco Gartziak “elkartasuna eta laguntza” eskaini dio EAJko zinegotziari eta alderdiari berari. Esan du “onartezina eta zentzubakoa” dela “atentuta” eta gura dutena dela ‘ANVren aurka mozioak aurkezten dabiltzan zinegotzi eta alderdiei presio gehiago egitea’ eta ‘askatasun publiko eta hiritarren eskubideen auka atentatzea’. Amaitzeko Gartziak “indarkeriaren aurrean demokratak batzeko deia’ egin du.

1.- Ezker Batua-Berdeak eta Zutikek erabat gaitzesten dute EAJko udal bozeramailea den Luis Maria Apraizen autoak jasandako erasoa.

2.- Ezker Batua-Berdeak eta Zutikek elkartasuna adierazi nahi diete Luis Maria Apraizi, bere familiari eta Arrasateko militante jeltzaleei.

3.- Ezker Batua-Berdeak eta Zutikek uste dute mota honetako ekintzek, arrasatearren ordezkarien kontrako presio onartezin bat izateaz gain, gure herriko tentsioa eta krispazioa handitu besterik ez duela egiten.

Aralar alderdi politikoak arbuiatu egin du gaur goizaldean Arrasateko EAJko zinegotzi Luis Mari Apraizen aurka egindako erasoa, haren autoa erretzen ahalegindu baitira. Era berean, Portugaleteko Batzokiaren aurka izandako erasoa salatu du.

Aralarrek elkartasuna adierazi die erasoak jasandako pertsonei, eta beste behin azpimarratu nahi du Arrasateko eta Portugaleteko erasoen modukoak erabat lekuz eta garaiz kanpo daudela. Era berean, gatazkaren konponbideari inolako ekarpenik ez diotela egiten azpimarratu du, besteak beste, elkarbizitzan eragin okerra duelako. Horrez gain, kaltegarri baino ez dira bilakatzen Euskal Herriko gizarteak behin eta berriro eskatzen duen bakera bidean.

Arrasateko Eusko Alkartasunak Luis Mari Apraizen aurka gertatutako erasoa gaitzesten du.

Luis Mari Apraizi, bere familiari, eta EAJko Arrasateko udal taldeari babesa eskaintzearekin batera indarkeria erasoak demokraziaren oinarrizko printzipioen aurka egiten dutela adierazi nahi du.

Arrasateko Eusko Alkartasunak galdegiten du zertan lagunduko duten horrelako ekintzek Ino berriz Arrasatera ekartzen, edo eta bide berean, Arrasatearren eta Euskal Herritarren gehiengoak eskatzen duten bake eta normalizazio politikoa lortzen.