Arrasate
'Egin dakizuna' ekimena, ondo pasatuz ikasteko aukera paregabea
Atzo, uztailak 2, hasi zen Gazte bulegoak eta Udaleko sexologia zerbitzuak lehenengoz antolatu duen Egin dakizuna ekimena. Gaztetxoek euren trebetasun eta abileziak herriaren aurrean erakusteko aukera izango dute uztail osoan zehar.
Udala 'oso pozik' dago arrasatearrek San Juanetan eman duten erantzunarekin
San Juanetako garrak urtebete baino gutxiago –eta gero eta gutxiago falta da– itxaron beharko du berriz ere Arrasateko kaleak har ditzan. Jaiak bukatu dira, eta orain balorazio egiteko ordua da. Udala "oso pozik" dago 2009ko San Juanetan herritarrek eman duten erantzunarekin. San Juanek indarra berreskuratzen hasi direla uste du Izadi Mondragon jaietako zinegotziak.
Biteri plazaren parte-hartze egitasmoaren bigarren bilera, uztailaren 7an
Udalak Aldundiaren laguntzaz abiarazitako Biteri plazaren erabilera funtzionala areagotzeko parte-hartze proiektua aurrera doa, martitzenean proiektuaren bigarren bilera egingo dute Udaleko pleno aretoan, 19:00etan. Lehen bileraren dinamikari eustea da helburua, orduko ekarpenak laburtu eta horiek aztertzea, Sidecor aholkularitza enpresaren babes eta oniritziarekin.
Dantza ikuskizuna bihar Monterronen: Arrasate Irratian elkarrizketa
Bihar Monterronen izango den Eivissako eta Arrasateko Lore Gazteak taldearen dantza emanaldiaz jardun dute Arrasate Irratian. Jarraian duzue, bada, Lore Gazteak taldeko Ihintz Bengoari egindako elkarrizketa entzungai.
Arrasate Irratia: aste honetako zozketako irabazleak
Aste honetan ere hainbat izan dira entzuleen artean banatzeko Arrasate Irratiak izan dituen opariak. Hori horrela, egubakoitzero moduan, zoketa egin dute irratian. Hona hemen, bada, aste honetako irabazleak: Euskaltel-Euskadiko kamiseta bana, Nerea Dobaok eta Valentin Ojangurenek eskuratu dute eta Donostiako Aquariumerako bi sarrera, berriz, Mari Karmen Llodiok. Datorren astean opari gehiago izango dira, beraz, animatu eta parte hartu!
Arrasaten albiste
- Brisa de Portmany taldearen dantza ikuskizuna Arrasaten
- Arrasate Irratiko aste honetako zozketako opariak
- Domekan Errozio Erromeria egingo dute Arrasaten
- Udazabal 09: kultur ekitaldi ugari uztail hasieratik irail erdialdera arte
- Bihar hasiko dituzte Txatxilipurdiren udaleku irekiak
- Maleta susmagarriarengatik abisua
- "Gaur egun mozkor gutxiagok egiten dute korrika entzierroetan"
- Igogailuaren pasabidea ipintzen
- Enpresendako 46.500 euro bideratuko ditu Udalak, laguntzetan
- Emakumeei gutun lizunak bidaltzeagatik bi urteko kartzela zigorra
