Euskararen Eguna ospatu dute Kurtzebarri institutuko ikasleek. Lehiaketarekin hasi dute eguna, gero Lekaixoka bertso eskolakoen bisita izan dute 12 eta 14 urte artekoek, eta Oihan Vegarena 14 eta 16 urte artekoek. Bukatzeko kontzertua eskaini dute ikasleek Herriko Plazan.
Bertso eskolakoek saio dibertigarria eskaini diete. Bertan izan dira Oihana eta Haizea Arana Lekaixokako gazteen taldeko kideak eta Martin Berrizbeitia helduen taldekoa. Horiez gain Ane Zuazubiskar, Xabi Igoa eta Maddi Sarasua bertsolariak izan dituzte lagun bat-bateko saioan. Eta eskolako ikasleek bertso musikatuak eskaini dituzte.
Oihan Vega irrati esatari eta disko jartzaileak, ostera, komunikabideen gaineko gorabeherak kontatu dizkie.
Eta eguna bukatzeko musika izan dute lagun. Batetik, txirula doinuak eta bestetik, rock doinuak. Hona rock kontzertua eskaini duten taldeak: Txerrikumeak, Baztertuak, Laika futbool dream, Kalaña eta Nazkatuta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak