Aramaio
Arritxu Barruso
2008/05/09 12:15
Santikurtz ermita konpontzeko lanak hasiko dituzte zapatuan
Dokumentu Akzioak
08:15ak inguruan elkartuko dira zapatuan Santikurtz ermita konpontzeko auzolanerako; Añai tabernan bilduko dira. Auzolana antolatzen dihardutenek azaldu dute asteburu honetan oso garrantzitsua dela herritarren laguntza. Traktoreak behar dira-eta material guztia ermitara eroan ahal izateko.
23 urte pasa dira Santikurtz ermita azkenekoz konpondu zenetik. Azken urte hauetan, baina, ermitaren egoerak okerrera egin du eta konpondu beharrean dago berriz. Hori horrela, auzolanean konpontzea erabaki dute aste bukaera honetan eta datozen bi asteburuetan. Teilatua osorik konpondu nahi dute eta barruko eta kanpoko hormak ere bai; margotu ere egingo dute.
