Antzuola
Bihar aurkeztuko dute ipuin bilduma
Dokumentu Akzioak
Patxiko Txerren Txiki ipuingintza jardueraren hamaikagarren edizioa izan da aurtengoa. Liburutegiaren eta Herri Eskolaren artean antolatzen dute literatura jarduera hori eta lehenengo mailatik seigarren mailara arteko ikasle guztiek hartu dute parte. Guztira, 97 ipuin aurkeztu dituzte aurten. Ipuin guztiak argitaratzea ezinezkoa denez, hamaika aukeratu eta liburutxo batean jaso dituzte.
Concetta Probanza arduratu da diseinuaz eta maketazio lanaz, eta zuri-beltzean kaleratuko dute liburuxka umeek eurek egindako marrazkiekin. Parte hartzaile guztiei banatuko diete liburutxo hori bihar, zapatua.
Bilduma liburutegian
Bestalde, aurkeztutako lan guztiak koadernatu egingo dituzte koloretako liburu dotore batean eta liburutegian gordeko dute nahi duenak ikus dezan.
Patxiko Txerren Txikiren aurtengo edizioaren emaitza bihar, zapatua, 17:00etan aurkeztuko dute liburutegian. Aurrez, Apika antzerki taldeak ikuskizuna eskainiko du umeendako.
