Antzuola Albisteak

Aratusteetako argazkiak

2012-02-22 14:31:30 Eneko Azkarate

ARRASATE

BERGARA

OÑATI

ARETXABALETA

ESKORIATZA

ANTZUOLA

ARAMAIO

ELGETA

LEINTZ GATZAGA

Kultura Antzuola Aramaio Aretxabaleta Arrasate Bergara Elgeta Eskoriatza Leintz Gatzaga Oñati

Helduentzako ipuin kontaketa: 'kontatinak'

2012-02-22 11:52:49 Maider Arregi

Kontatinak akordeoi diatonikoarekin kontatzen dira (concertina portugaleraz). Hitza eta musika uztartzen dituen ikuskizuna da. Bere istorioetako protagonista dira emakumearen eta gizonezkoaren arteko maitasunaren samurtasun eta gogorkeria misteriotsuak; ohiko bizimoduaren pasadizo txikiak, zein bizitza guztiko abentura epikoak. Luis Correia Carmeloren eskutik kontatinak, barikuan, Torresoroan, 22:30ean hasita. Sarrera: 4 €

Kultura Antzuola

Aratuste-martitzena primeran igaro zuten Antzuolako erretiratuek

2012-02-22 09:18:44 Maider Arregi

Aratuste-martitzenetan tradizio bilakatu da herriko erretiratuek merienda eta mozorro lehiaketa egitea. Aurten ere giro paregabean ospatu dituzte Aratusteak eta gorputza berotzeko txokolate-jana egiten ikusi ditugu. Guztiak ez dira mozorrotu baina guztira 80 lagun inguru batu dira; horietako batzuk paperean ondo sartuta mozorrotuta ikusi ditugu. Aurten, lehen saria 14 botorekin, Karmen Egañarendako izan da Isabel Pantojaren mozorroaz; bigarren, Antoni Egaña sherif mozorroaz; eta hirugarren, Migel Montori apaiz jantzita.

Kultura Antzuola

Belaunaldi ezberdinetako gaztetxeko kideekin topaketak martxoan

2012-02-22 09:10:41 Maider Arregi

Gaztetxearen gaineko lehen bilera informatiboa eginda, orain hurrengo urratsa emango dute Antzuolako Gazte Asanbladako kideek. Martxoaren 2rako eta 3rako topaketak antolatu dituzte. Hala, herri eta belaunaldi ezberdinetako gaztetxeko kideekin bilduko dira hilaren 2an, barikuan, 22:00. Hilaren 3an, aldiz, zapatuan, anbulatorio zaharreko gaztetxearen kudeaketa oinarri izango duen topaketara joateko deia egin nahi zaie herritarrei.

Antzuola

Ipuinak nola kontatu erakutsiko du Virginia Imazek Antzuolan

2012-02-21 14:58:55 Arantzazu Ezkibel

Oihulari Clown taldeak antolatuta ipuin tailerra egingo dute Antzuolako Laskurainhaundi baserrian domekan. Egun guztiko ikastaroa izango da, 10:30ean hasiko dute eta 21:00ak arte iraungo du.

Kultura Antzuola

Mendi irteera egingo du Arrola Mendi taldeak domekan

2012-02-21 09:44:50 Maider Arregi

Arrola Mendi taldeak egun erdiko irteera antolatu du domekarako, hilaren 26rako. Ibilbidea: Dorleta-Bizkarlatza- Arluz-Degurixa-Urkulu. Irteera 8:15ean izango da. Izena emateko bidali mezua arrolamt@gmail.com helbidera norberaren izen abizenak eta kontaktu telefono batekin. 635205841 telefonora ere deituz eman daiteke izena. Ordaindu beharrekoa:bazkideek 7 euro; 18 urtetik beherakoek 3 euro. Bazkideak  ez direnak 13 euro.

Kirolak Antzuola

Harrera bikaina izan du odol-emate deialdiak

2012-02-21 09:32:38 Maider Arregi

Antzuolako Odol Emaileen elkartetik eskerrak eman nahi diete herritarrei. Izan ere, domekan egindako urteroko diru batzean jendearen erantzuna bikaina izan zela kontatu digute. Astelehenean ere, 65 lagunek eman zuten odola. "Jendeak, gripearekin gaixo egonda ere, oso ondo erantzun du bigarren deialdian. Eskerrak eman nahi dizkiegu herritarrei", nabarmendu gura izan du Begoña Letek, Odol emaileen elkarteko kideak. Hirugarren deialdia, martxoaren 17an egingo dute.

Osasuna Antzuola

Aratuste-martitzena: hau ez da amaitu!

2012-02-21 06:00:00 Eneko Azkarate

Aratuste-martitzenarekin heldu da azken traka. Sardinari su eman bitarte, hau ez da amaitu. Mozorrotu eta kalera irteteko astia badago, eta nahi beste aitzaki, ekitaldiak nonahi dira-eta, herri handienetan, bereziki. Hainbat tokitan, gainera, eskolakoek koloreztatuko dituzte kaleak. Barruan egitaraua herririk herri.

Kultura Antzuola Aretxabaleta Arrasate Bergara Debagoiena Eskoriatza Oñati

Jaitsi da hartza eta aztoratu du herria

2012-02-19 15:18:09 Irati Goitia

Gaur goizean ospatu dituzte aratusteak Antzuolan. Euriaren ondorioz, baina, bertan behera gelditu da dantzariek herrian zehar egin behar zuten kalejira. Hala, eskolako jolastokian elkartu dira eta bertan egin dute saioa. Lehenik, haurren txanda izan da eta hainbat dantza egin dituzte: esku dantzan, Antzuolako arku dantza, zinta dantza… Ondoren, helduak irten dira jolastokiaren erdira eta, besteak beste, sorgin dantza egin dute. Nola ez, hartza, tximinoa eta hezitzailea ere izan dira protagonista. Jende dezente bildu da dantzak ikusteko.

Kultura Antzuola

Eskolako txikitxoenek primera pasa dute Aratuste-festan

2012-02-18 11:43:38 Maider Arregi

Barikuan eskolan Aratuste-festa egin zuten. 45 litro txokolate eta 20 ogi torradak egiteko. Ti-ta agortu ziren Pausokak antolatutako Aratuste menu goxoa. Guraso zein haur, gustora igaro zuten bariku arratsaldea eskolako patioan. Torresoroa gainezka, 17:00etan, Zirika Zirkus pailasoen emanaldiaz gozatzeko aukera izan zen.

Kultura Antzuola

Nabigatu euskaraz