Antzuola Albisteak

Grebarekin bat egingo dute eskolako eta udaleko langileek

2012-02-08 14:08:13 Maider Arregi

Greba deialdia egin dute ELA, LAB eta STEE-EILAS sindikatuek euskal sektore publikoan. Eusko Jaurlaritzaren "murrizketak" salatzeko. Hala, Antzuolan ere eskolako eta udaleko langileek bat egingo dute grebarekin.
Udal langileek 11:00etatik 15:00etara egingo dute lan uztea. Eskolan aldiz, arratsaldean, 14:30etik 16:30era. Goizean normal jardungo dute 9:00etatik 12:30etara; eta jangela zerbitzua ere egongo da.

Antzuola

Oihulari Clownek antolatutako ikastaroa hilaren 26an egingo da

2012-02-08 11:14:37 Maider Arregi

Elurragatik eta eguraldi txarraren ondorioz, atzeratu egin zuen Oihulari Clownek hasiera batean ikastaroari jarritako data.  Hala, eta eguraldiak laguntzen badu, hilaren 26an, domekan, egingo da ikastaroa Lizarragako Laskurain Haundi baserrian.

Kultura Antzuola

Gaztetxearen etorkizuna berbagai barikuan

2012-02-08 10:12:32 Maider Arregi

Gaztetxeko lanen gora beherak eta aurrera begira eman gura dituzten pausoak landuko dira barikuan deitu duten asanblada orokorrean. 22:30etik aurrera egingo da batzarra.
Antzuolako gaztetxearen etorkizuna zein izango den ere hausnartzeko aukera izango da  asanbladan. Bestalde, gogoratu nahi dute, gaztetxeko ateak herritar guztiei daudela zabalik eta helburua, denen parte-hartzea bultzatzea dela eta askotariko asmoak eta iritziak batu gura dituztela.

Antzuola

'Ez dot moztuko bizarra' ekimena aurkeztuko dute

2012-02-08 09:59:13 Maider Arregi

Eskubide zibil eta politikoen alde egiteko herritar talde batek sortu duen Ez dot moztuko bizarra! ekimena aurkeztuko dute hilaren 24an, Olalden, 21:00etan. Deialdia ohiko jendearendako eta bereziki ohikoa ez denarendako da. "Betikoa ez den jendea etortzeko ahalegin berezia egin gura dugu", azaldu dute. Aurkezpen afarian izena emateko epea hilaren 19ra artekoa da eta Arin tabernan eman daiteke; prezioa 6 euro. Antolatzaileek gosea eta umorea eramateko eskatu dute.

Antzuola

Larri daude egubakoitzean Antzuolako AHTren lanetan zauritutako bi langileak

2012-02-06 17:12:27 Txomin Madina

27 eta 33 urte bi langile zauritu ziren egubakoitzean Antzuolan, Antzuola eta Ezkio-Itsaso arteko Abiadura Handiko Trenaren zatiko lanetan. BI langileak larri daude eta medikuaren txostenaren arabera, erredurak dituzte eta aireztapen mekanikoaren beharra dute. Leherketa bat izan zen istripuaren eragilea, eta Osalanek ikerketa abiatu du istripuaren arrazoiak argitzeko.

Osasuna Antzuola

Gaztetxearen etorkizunaz berba egiteko asanblada orokorrera joateko deia egin dute

2012-02-06 16:51:56 Maider Arregi

Hilak 10, barikua, 22:30ean, asanblada orokorra deitu dute gaztetxe berrian. Bertan landuko diren gaiak hauek: gaztetxeko lanen gora beherak eta aurrera begira eman gura dituzten pausoak. Antzuolako gaztetxearen etorkizuna zein izango den ere hausnartzeko aukera ere izango da. Ateak herritar guztien parte-hartzea bultzatzeko zabalik egongo dira.

Antzuola

Santa Ageda eguna ospatu zuten Galartzan

2012-02-06 10:50:20 Maider Arregi

Atzo, domeka, Santa Ageda eguna ospatu zuten Galartza auzokoek Santa Ageda ermitan. Meza izan zuten lehenengo eta hamaiketakoa ondoren, salda eta guzti; egiten zuen hotza arintzeko. Biteri, Unanue eta Agirre trikitilaariek alaitu eta berotu zuten eguerdia.

Kultura Antzuola

Bi langile zauritu dira AHTren lanetan, Antzuolan

2012-02-05 13:15:46 Julen Iriondo

Leherketa batean zauritu eta Gurutzetako ospitalera eraman zituzten, erreduren sailera. Egubakoitz arratsaldean gertatu zen istripua, Antzuola eta Ezkio- Itsaso arteko zatiko tuneletako baten lanetan.

Antzuola Debagoiena erantzun 1

Santa Ageda eskean nonahi

2012-02-03 17:27:42 Ubane Madera

Atzo, egubakoitza, hasi ziren Santa Agedaren ohorezko kantuak. Hala egin zuten, esaterako, Arrasateko Arizmendi Ikastolako eta Aramaioko San Martin eskolako ikasleek. Edozelan ere, Santa eske nagusiak asteburuan izango dira Debagoienean. Bezperan, gaur, zapatua, dira hitzordu gehienak: Arrasate, Bergara, Aretxabaleta, Eskoriatza, Elgeta eta Leintz Gatzaga. Baina domekarako ere antolatu dituzte ekitaldiak Oñatin, Antzuolan, Aretxabaletan eta Eskoriatzan. Aramaion, berriz, bertan behera geratu da zapatuko ospakizuna, baserrietarako bideak egoera okerrean daudelako.

• ARGAZKI GALERIA: ARRASATE
• ARGAZKI GALERIA: ARAMAIO

Antzuola Aramaio Aretxabaleta Arrasate Bergara Debagoiena Elgeta Eskoriatza Leintz Gatzaga Oñati

Peru gertutik ezagutzeko aukera izango da eguenean Olaranen

2012-02-03 11:19:30 Maider Arregi

Josune Martinez gazte antzuolarrak hitzaldia eskainiko du egunean, otsailaren 9an. Antzuolarrak munduan zehar izeneko hitzaldian, Perura egindako bidaia eta bertan bizitako esperientziak, argazkitan erakutsi ditu Martinezek. "Perun egon naiz hiru hilabetez; lehenengo bi hilabeteetan, heziketa sexualari eta ugalkorrari buruzko praktika komunitarioak egin ditut". Azken hilabetea, aldiz, eta praktikak bukatu ondoren, Peru bere osotasunean ezagutzeko asmoz bidaia bat egin zuen antzuolarrak. Orain, asmoa dauka praktika horietan ikusi eta ikasi duena kontatzea, jendaurrean zabaltzea. Argazki erreportajez lagundutako hitzaldia hilaren 9an, eguena, izango da, 18:30ean Olaranen.

Kultura Antzuola