Zutik alderdia desegin eta Gorripidea aurkeztuko dute urtarrilaren 27an
2011-12-26 12:06:23 Arritxu Barruso
Zutik alderdiak abenduaren 17an Bilbon egindako Biltzar Orokorrean aho batez erabaki zen Zutik erakunde gisa desegitea. Hori dela eta, orain arte Zutik barruan ildo gisa egondako Gorripidea alderdi gisa antolatuko da hemendik aurrera.
Gorripidea alderdiak prentsa ohar baten bidez jakinarazi du "euskal politikan zein arlo sozialetan esperientzia handiko jendez osatutako alderdia" dela eta "bere ideiak eta aktiboak euskal esparru politiko zein sozialean jartzeko eta eragiteko" sortzen dela. Gaineratu dute bizi dugun mundua ekologikoki sostengarria eta justizia sozialduna izatea nahi dutela eta guztien berdintasuna bermatuko duen lekua eraikitzeko eta defendatzeko asmoa dutela. "Izaeraz eta ekinbidez feminista, internazionalista eta munduko herri guztien burujabetasunaren defendatzailea den alderdia izango da Gorripidea", diote.
2012ko urtarrilaren 27an egingo den lehenengo konferentzian emango du ezagutzera bere burua alderdi berriak.
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
Erantzunak
Egin login erantzunak uzteko