Partidu ona egin arren, 27 eta 29 galdu zuten bergararrek Askartzaren kontra

Bigarren zatia ondo hasi zuten, baina bergararrek penalti bat huts egin eta 5 eta 1eko partziala lortu zuten Askartzakoek. Bigarren zatian defentsa aldatu zuten kanpokoek, oso atzean jarri ziren, eta bergararrek ez zuten jakin horrela jokatzen.

Partidua amaitzeko bi minutu falta zirela Askartzako atezaina kanporatu zuten eta jokalari bat jarri zuten haren ordez. Bergararrek orduan gola egiteko bi aukera izan zituzten, baina bi jaurtiketetan atezainari eman zioten baloiarekin. Bergararrek partidu ona jokatu arren, 27 eta 29ko kontrako emaitza izan zen bukaeran.

Maila mantentzeko arazoak

Sailkapenean, azken postuetako multzoan lehenengo daude Bergararrak, 10. postuan. Josetxo Muniategi entrenatzaileak esan digunez, zortzi puntu ez badituzte ateratzen "arazoak" izango dituzte mailari eusteko. Adierazi digunez, "ez da nahikoa ondo jokatzea, puntuak egin behar ditugu".