Kantsatzeke mendi taldeak irteera egingo du zapatuan

Eguaztenean, hilak 15, hasi ziren Kantsatzeke mendi taldeko kideak bazkideak egiten. Kultura etxeko bigarren solairuan, musika gelaren atzean dagoen bulegoan, artatu zituzten interesatuak. Beste bi hitzordu ere ipini dituzte bazkideak egiten jarraitzeko; hilaren 22a eta 29a, biak eguaztenak, 19:00etatik 20:00etara. Bazkidetza kuota bost euro da. Federatzeko aukera ere ematen dute.

Mendi irteera zapatuan

Hilaren 25ean, zapatua, egingo dute lehenengo irteera Kantsatzeke talde moduan. 08:00etan abiatuko dira Ozkarbi elkarte aurretik, eta lau bat orduko ibilbidea aukeratu dute. Adin txikikoek arduradun batekin egin beharko dute irteera. Proposatutako irteera Anboto mendiari itzulia egitea Arrazolatik abiatuta. Arrazola-Larrano-Zabalaundi-Arrazola da ibilbidea. Prezioa 3 euro da. Izen-emateak udaletxean edo mendi taldeko e-postan kantsatzeke@gmail.com egin daitezke.