Kantari Aretxabaletan asteburuan

2011-11-11 08:27:27 Amaia Txintxurreta

Guztira, Aretxabaleta eta Eskoriatzako 150 gaztetxo igoko dira asteburuan Arkupe aretoko eszenatokira, 40 taldetan banatuta. Parte hartuko duten neska mutikoak 8 eta 12 urte bitartean dituzte eta, beste behin, euskal kantuak abestu eta dantzatuko dizkigute. Grabazioekin arratsaldeko 16:00ean hasiko gara eta ikuskizunak Goiena telebistan emango ditugu.

Aretxabaletako emanaldiak izango dira Kantariko hirugarren edizio honetako azken grabazioak. Grabazioekin arratsaldeko 16:00etan hasiko gara; bai zapatuan eta baita domekan ere, eta edonor joan daiteke ikuskizunekin gozatzera. Hala ere, Arkupeko sarreran doan banatuko diren sarrerak hartu beharko dituzue Kantari ikustera joan nahi duzuenok.

Saioak telebistan eta sarean

Goienak, guztira, 8 saio ekoiztuko ditu Aretxabaleta eta Eskoriatzako artistekin; 4 zapatuan eta beste 4 domekan. Eta ondoren, Goiena telebistan emitituko ditugu saio guztiak.

Horrez gain, Kantariri buruzko informazio guztia jasotzeko aukera daukazue sarean eta telebistan ematen gabiltzan saio guzti-guztiak ere bertan jarriko ditugu ikusgai.

Erantzunak

Egin login erantzunak uzteko

Bergarako gaztetxo batzuk Kantari ikuskizunean. Argazkia handitu