Igogailuaren pasabidea ipintzen

Bide onetik doaz Ferixalekua eta Altamira lotuko dituen igogailu publikoaren lanak. Hiru elementu nagusi ditu igogailu horrek: estruktura, pasabidea eta igogailuaren kutxa. Bada, gaur pasabidea ekarri eta ipintzen jardun dute, Jose Luis Iñarra kale inguruan.

Hirigintza Sailetik aditzera emandakoaren arabera, pasabidea ipintzeko obrek iraun bitartean semaforo bitartez bideratuko dute zirkulazioa, txandaka ibili beharko dira-eta, errei bateko zein besteko ibilgailuak.

Kontuak kontu, pasabidea ipinita, estruktura eta igogailuaren kutxa ipintzea besterik ez da falta. Hain justu, estruktura muntatzeko lanak bi aste barru bukatuko dituztela aditzera eman dute Hirigintza Sailetik. Horren ostean hasiko dira igogailuaren kutxa ipintzen.

Bestela esanda, lan guztiak iraila-urrirako bukatuta izatea dute aurreikusita. Amenabar enpresa dabil igogailu publiko hori eraikitzen.