Hiru zaindari zaurituta Aixolako zentroan izandako istiluetan

2010-03-12 10:40:25 Usoa Agirre

Sei adin txikiko atxilotu ditu Ertzaintzak bart, Aixolako zentroaren barruan istilu larriak sortu dituztelakoan. Istiluetan hiru zaindari zauritu dira eta osasun zerbitzuek artatu behar izan dituzte.

Istiluak gauerdian hasi dira eta bertako segurtasuneko arduradun batek deitu du Ertzaintzara bertako zenbait adin txikiko oldartu egin direlako.

Aixolara joan dira ertzainak eta, esan dutenez, leihoetatik gauzak bota dizkiete (litera bateko eskailera, koltxoiak, oheburukoak...), baita iraindu eta mehatxatu ere.

Atxilotutako sei adin txikikoak Bergarako ertzain-etxera eraman dituzte eta gaiaren jakinaren gainean jarri dute Gipuzkoako Adin Txikikoen Fiskaltza.

Erantzunak

Egin login erantzunak uzteko

Hiru zaindari zaurituta Aixolako zentroan izandako istiluetan Argazkia handitu

Nabigatu euskaraz