Gorka Azpitarte eta Vivonnen dauden gainerako presoen alde ekintzak deitu dituzte

Batetik, espetxeko zuzendariari eskutitzak bidaltzeko kanpaina jarri dute martxan: aste osoan Inkernu tabernan egongo dira betetzeko orriak.

Gutun horretan euskal presoen bisitak bikoitzak izan daitezela eskatzen da, kontuan hartuta bisita horietara joateko senideek 1.100 kilometrotik gora egin behar dituztela, horrek suposatzen dituen gastu eta arriskuekin; horretaz gainera, Vivonnen dagoen Eneko Zarrabeitia presoari bisita batean beste preso baten senideak agurtzeagatik ezarritako zigorra bertan behera uzteko ere eskatzen da, eta oinarrizko eskubideak errespetatuak izan daitezela.

Egoera salatzeko mozioa

Bestetik, udalean mozioa aurkeztea ere aurreikusi du taldeak. Aste honetan du hori aurkezteko asmoa, hileko hirugarren eguenean egingo den osoko bilkuran aztertu dadin. Azpitartek eta gainerako presoen egoera salatu dezan eskatuko zaio udalbatzari mozio horretan.

Presoak bisitatu ostean, ekitaldia

Hirugarrenik, esan bezala, Poitiersera joateko martxa deitu dute astebururako; eskualde mailan egin dute deialdia. Izena eman gura dutenek bi bide dituzte: Inkernu tabernan apuntatu edo irrintzia@gmail.com helbidera idaztea. Abadiñotik (Eneko Zarrabeitia presoaren jaioterritik) irtengo da autobusa, zapatuan, 00:00etan. Hara iristean, presoak bisitatuko dituzte, eta jarraian, agerraldia egingo dute espetxe kanpoan.