Giro ederra eta jende ugari, San Blas egunez Salluenten
2010-02-03 12:27:55 Julen Iriondo
Goizeko 10:30 aurretxoan badator jendea bidean aurrera; pausoz pauso helmugara iritsi arte. Eta otsailak 3, San Blas egunez Aretxabaletan Apotzaga Etxeberri auzoko Salluente ermita dute bilgune. Nagusiek eta baita haurrek ere. Asko izan dira gaur ere.
Tradizioari jarraituz erramua eskuan, Angel Elorza apaizaren deiak bildu ditu ermita aurrera inguruan lagunartean solasean ari zirenak. Giro ederrarekin egin dute meza, fedeari eta tradizioari jarraituz.
Horien, txikienen momentua meza amaieran iritsi da. Bereziki deitu ditu apaizak, eta han gerturatu dira tropelean, etxetik ekarritako jakiekin. Euren elikagaiak bedeinkatu nahi zituzten hainbat nagusi ere inguratuz, poltsak gora, tradizioak dioena beteko den itxaropenarekin.
Giro ederra eta jende ugari, San Blas egunez Salluenten Argazkia handitu
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
Erantzunak
Egin login erantzunak uzteko