Gimnastek denboraldia hasiko dute zapatuan

2012-02-07 09:50:14 Xabi Urzelai

Debagoieneko gimnastek zapatuan hasiko dute denboraldia, Eskola Arteko A mailako fasea egongo da-eta jokoan Uarkapen, Arrasaten. Gipuzkoa osotik gimnasta mordoa etorriko dira; Arrasatekoek etxeko zaleen bultzada izango dute.

Uarkape pilotalekuan goizeko saioa 10:00etan hasiko dute, eta alebin eta infantilak bakarka zein taldean lehiatuko dira. Kadeteak (A eta B mailakoak), berriz, bakarka lehiatuko dira. Arratsaldean, 16:45ean kadeteak, gazte mailakoak eta seniorrak taldeka lehiatuko dira eta ondoren, gazteak eta seniorrak bakarka.

Arrasateko Dragoi taldetik gimnasta hauek lehiatuko dira:

INFANTILAK, TALDEKA: (5 uztai): Leire Ugarte, Mirentxu Amozarrain, Ane Fernandez, Maite Oliden, Kimi Lopez de Arechaga.

KADETE B, BAKARKA: (uztaia): Eider Altube

KADETE B, TALDEKA: (2pelota/2uztai): Beñat Arizabaleta, Eider Lopez, Goretti Miguelez, Irene Errarte.

GAZTEAK B, TALDEKA: (2 pare maza eta 3 uztai): Nerea Otxoa, Aintzane Rodriguez, Paula San Miguel, Ainhoa Delgado, Olatz Fernandez.