Gaur hasita, liburu aurkezpena, Hardcore jaialdia eta zine-kluba gaztetxean

2012-02-08 14:23:15 Maider Arregi

Bergarako gaztetxeak makina bat ekintza antolatu ditu datozen hilabeteetarako. Gaur emango zaio hasiera egitarauari 'Que pagui pujol' Bartzelonako hardcore eszena errepasatzen duen liburuaren aurkezpenarekin. Barikuan, Tapoi fest musikaldiaren lehen edizioari hasiera emango zaio. Jarraian xehetasunak eta egitarau osoa:

Gaur hasiko da egitaraua Que pagui pujol liburuaren aurkezpenarekin. Bartzelonako hardcore eszena errepasatzen duen liburuaren aurkezpena Joni D idazleak berak gidatuko du. 18:00etan izango da eta ekitaldia gaztetxeko Angiolillo liburutegiak antolatu du, hilero liburu aurkezpenak antolatzeko hartutako konpromisoaren barruan.

Ostiralean Tapoi fest musikaldiaren lehen edizioari hasiera emango zaio. Tapoi fest Bergarako gaztetxean asteburu osoz gozatu ahalko den hardcore musikaldi berria da. Antolatzaileak Txapa irratiko Jar itzazu tapoiak irratsaioko kideak dira. Saio hau estilo honi buruzkoa da (asteartero 21:00etan Txapa irratian).

Tapoi fest, egitaraua

Hala, barikuan Humilitate, Diskoiraa, Vitesse eta Yaw taldeak izango dira Dj Zaratarekin batera. Larunbatean saio bikoitza egongo da: 18:00etan Fly shit eta Necesidad de luchar taldeak izango dira; arratsaldeko kontzertuetan sarrera muxutruk izango da. Gaueko 22:30ean musikaldiak aurrera jarraituko du Keep digging, Gargamboig, Adrenalized eta JANekin. Festari amaiera emateko 90seg disko jartzailea egongo da ordu txikira arte. (Informazio gehiago hemen).

Azkenik, asteburua ixteko gaztetxeko zine-klub berrituaren emanaldi berri bat izango da 18:00etan, kasu honetan "El tercer hombre" Carol Reed-en film klasikoaren proiekzioarekin.

Bergarako gaztetxeko hurrengo ekimenak:

Otsailak 09 - Que pagui pujol liburuaren aurkezpena

Otsailak 10 - Tapoi fest hardcore asteburuaren lehen eguna

Otsailak 11 - Tapoi fest hardcore asteburuaren bigarren eguna

Otsailak 11 - Salsa ikataroaren hasiera, bi astean behin larunbat goizetan

Otsailak 12 - Zinema emanaldia - El tercer hombre

Otsailak 17 - Esne Beltza sound system-en kontzertua bergarako trikitilarien batzordeak antolatuta

Otsailak 18 - Aratusteak kartzela zaharrean (Sorpresa ugari!)

Otsailak 25 - Arrosa irrati sareko I. jardunaldiak (Tailerrak, mahai-inguruak, kontzertuak...)

Martxoak 02 - A las nueve en el faisan Xabier Silveiraren liburuaren aurkezpena Angiolillo liburutegiaren eskutik

Martxoak 02 - Bergarako gaztetxeko bertso eskolaren lehen saioa

Martxoak 08 - Emakumearen nazioarteko eguna (Hitzaldia, elkaretaratzea eta kontzertua)

Martxoak 10 - Euskaraz bizi ekimena

Martxoak 11 - Zero-zabor kafe tertulia

Martxoak 17 - Leni metal fest musikaldiaren II. edizioa.

Martxoak 23 - Aitor Navarroren umorezko bakarrizketa

Gaztetxeko tailerrak: (Guztiak dohainik eta euskaraz, gaztetxean daude izen-emate orriak)

Asteazkenero 18:00etan Talla tailerra

Larunbat goizetan, hamabostean behin euskal dantzak (lehen saioa otsailak 4)

Larunbat goizetan, hamabostean behin salsa ikastaroa (lehen saioa otsailak 11)

Martxoak 2 gaztetxeko bertso-eskolaren lehen saioa

Argazkilaritza analogikoaren lehen saioak martxan, laster informazio gehiago

Aurrerago egingo diren ekimenak: Txalaparta tailerra, pandero tailerra, malabar tailerra, perkusio tailerra, maiatzean egubakoitzak kartzelan egitasmoaren itzulera, aste santuan auzolana eta proiektu berrien lanketa...

Zine-kluba: Martxoa eta apirileko filmak: Could Mountain, Salvador Puigh Antich, En el nombre del hijo eta El apartamento
Ostiralero asanblada nagusia 19:00etan, (aste honetan 17:00etan tapoi fest-a dela eta)
Astelehenetan, aste barruko asanblada 18:00etan. Ostegun arratsaldetan auzolana.

Erantzunak

Egin login erantzunak uzteko

Tapoi fest astebukaeran gaztetxean Argazkia handitu