Garoñako zentral nuklearra ixtea eskatzeko mozioa gaurko osoko bilkuran
2012-02-03 09:00:00 Jokin Bereziartua
Bildu taldeak Aramaio Alkartasunarekin batera mozioa aurkeztuko dute gaur Garoñako zentral nuklearra "berehala" ixteko eskatuz. Besteak beste, zentral nuklearrek suposatzen duten arriskuen inguruan informazioa zabaldu eta sustatzeko konpromisoa hartzen du Udalak eta baita Nuklearrik ez, Garoña itxi orain! lema erabiltzeko, dokumentu ofizial eta Udalak sortzen dituen bestelako argitalpen guztietan. Mozioak honakoa ere dio: "Kontsumoaren gutxitze eta energia iturri berriztagarrien erabileran oinarritutako energia aurrezpenaren aldeko apustu garbia egiten dugu".
Mozio horrez gain, badira beste hainbat gai interesgarri. 2012ko aurrekontuan akats batzuk zuzendu behar dira eta Etxaguen auzoaren eraberritzea ere izango dute hizpide. Bestalde, Debagoieneko beste herri batzuetan moduan, Gipuzkoan azpiegitura lan handiak geldiarazteko mozioa aurkeztuko du Bilduk.
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
Erantzunak
Egin login erantzunak uzteko