'Euskaldunon Egunkaria': bost urtez itxita eta inputatuak epaiketaren zain

2008-02-20 08:08:59 Usoa Agirre

Gaur, otsailak 20, bost urte betetzen dira Espainiako Auzitegi Nazionaleko Juan del Olmo epaileak 'Euskaldunon Egunkaria' itxi zuela. Hamar lagun atxilotu zituzten orduan, urte bereko urrian beste bederatzi eta deklaratzera deitu zituzten beste sei. Horietako hamahiruri ez die ezer leporatu epaileak, baina hamabi lagun daude kartzelara joateko arriskuan, epaiketaren zain. Gaur goizeko 11:30erako kontzentrazioa deitu dute Andoaingo Martin Ugalde Kultur Parkean itxiera salatzeko eta Espainiako Auzitegi Nazionalak martxan jarri zituen ekinbide judizialak bertan behera uzteko eskatzeko. 'Egunkaria' itxi ondoren GOITBn egin ziren bideo batzuk ekarri ditugu hona, gertakariak gogoratzeko.

Egunkariaren Alde elkarteak egunkaria.info webgunea aktibatu du, auziaz informatzeko. Hor duzue gaiaren gaineko informazio gehiago.

'Euskaldunon Egunkaria': bost urtez itxita eta inputatuak epaiketaren zain

2003ko otsailaren 20ko albistea

Egunkaria-ren aldeko lanuztea

Goienako langileak elkartasuna adierazten

Erantzunak