De Dietrich etxetresnak Txinan salduko ditu Fagorrek

Robam enpresa egosketan dago espezializatuta. Enpresa familiarra da eta Hangzhou-n dago, Shanghaitik gertuan. Merkatuko segmentu ertainetan dihardu, eta 120 milioi euroko salmentak egiten ditu. 58 salmenta-bulego, 1.500 salmenta-leku esklusibo, 5.000 salmenta-leku eta salmenta-osteko zerbitzua emateko 2.000 bulego ditu. Fagor Group-ekin egin duen hitzarmenaren ondotik, ahokadurako merkatuko goi-segmentuaren %50a lortu nahi du.

Fagor Group-ek hartuko ditu erabaki garrantzitsuenak, ordezkari kopuru handiena duelako aliantza berrian. Robam-ek bere esperientzia, merkatu-sare handia eta bezeroari arreta zerbitzua ematen ditu.

Fagor Group-en apustu estrategikoa da datozen urteotan gehien haziko diren merkatuetan egotea. Bestalde, hitzarmen horrekin, Txinan bere burua zabaltzen du. Izan ere, Fagorren esanetan, Europatik inportatutako goi-mailako etxetresna elektrikoen merkatua gero eta handiagoa da Txinan. "De Dietrich markak ematen dituen bikaintasun, dotoretasun eta abangoardia balioek oso harrera ona izango dute", Fagor Groupen iritziz.